महिलांनो.. मेनॉपॉजची 'अशी' 5 लक्षणं, जी अनेकांना माहित नाहीत, कसं ओळखाल? आरोग्य तज्ज्ञ सांगतात..

Women Health: स्त्रियांमध्ये रजोनिवृत्ती ही एक सामान्य गोष्ट आहे, परंतु यामुळे महिलांना अनेक शारीरिक समस्यांना सामोरे जावे लागते. म्हणूनच, त्याची प्रारंभिक लक्षणं वेळीच ओळखणं महत्त्वाचं आहे.

Women Health lifestyle marathi news How to recognize these 5 symptoms of menopause

Source : google

Women Health: ते म्हणतात ना...जन्म बाईचा...खूप घाईचा...महिलांना त्यांच्या वाढत्या वयानुसार विविध मानसिक आणि शारिरीक समस्यांना सामोरे जावे लागते. मासिक पाळीपासून सुरू होणारा हा प्रवास रजोनिवृत्ती म्हणजेच मेनोपॉजकडे येऊन थांबतो. हा प्रवास कोणत्याही महिलेसाठी सोपा नसतो. तसं पाहायला गेलं तर स्त्रियांमध्ये मेनोपॉज ही नैसर्गिक प्रक्रिया आहे. ज्याप्रमाणे मुलींना 12 ते 14 वर्षांच्या दरम्यान मासिक पाळी येणे सामान्य आहे, त्याचप्रमाणे, 40 ते 45 वर्षे वयोगटातील महिलांसाठी रजोनिवृत्ती सामान्य आहे. काही काळानंतर प्रत्येक स्त्रीमध्ये हे दिसू लागते, परंतु यामुळे महिलांना अनेक शारीरिक समस्यांना सामोरे जावे लागते. मात्र मेनॉपॉजची अशी काही लक्षणं आहेत, जी अनेक महिलांना माहित नाहीत, कसं ओळखाल? आरोग्य तज्ज्ञ सांगतात..

आरोग्य तज्ज्ञ काय म्हणतात?

एका वृत्तसंस्थेने घेतलेल्या मुलाखतीनुसार स्त्रीरोगतज्ज्ञ सी.के. डॉ. आस्था दयाल सांगतात की, मेनोपॉजमुळे महिलांमध्ये अनेक शारीरिक आणि मानसिक बदल होतात. हे हार्मोन्समधील बदलांमुळे होते. त्याची तीव्रता कमी करण्यासाठी, आपल्या दिनचर्येत काही महत्त्वाचे बदल करणे आवश्यक आहे. याशिवाय तुम्हाला तुमच्या आहाराचीही विशेष काळजी घ्यावी लागेल. मेनोपॉजची इतर कोणती चिन्हे असू शकतात, ते कसे टाळता येऊ शकतात आणि आरोग्यतज्ज्ञ त्याबद्दल काय म्हणतात ते जाणून घेऊया?

मेनोपॉजची प्रारंभिक लक्षणं

• स्पॉटिंग किंवा अनियमित रक्तस्त्राव
• लघवी गळती किंवा लघवी करताना त्रास
• वजन वाढणे
• निद्रानाश
• स्तनांची कोमलता
• योनीमध्ये बदल
• निद्रानाश, 
• थकवा, 
• मूड बदलणे आणि इतर अनेक लक्षणे दिसू लागतात.

मेनोपॉजमुळे होणारा त्रास कसा टाळाल?

हायड्रेटेड राहा - शरीराच्या योग्य कार्यासाठी हायड्रेटेड राहणे खूप महत्वाचे आहे. यासाठी पुरेसे पाणी प्यावे. याशिवाय तुम्ही तुमच्या आहारात लिंबू पाणी आणि नारळपाणी यासारख्या पेयांचा समावेश करू शकता.

हेल्दी फूड खा - रजोनिवृत्ती टाळायची असेल, तर तुम्ही तुमच्या आहारात आरोग्यदायी पदार्थांचा समावेश करू शकता. जसे की दररोज भाज्या, फळे, पातळ मांस, संपूर्ण धान्य खा. याच्या मदतीने तुम्हाला सर्व आवश्यक पोषक तत्वे मिळतील. तसेच व्हिटॅमिन डी आणि कॅल्शियम भरपूर असलेल्या अशा पदार्थांचा समावेश करा.

व्यायाम – दररोज व्यायाम केल्याने तुमचे शरीर निरोगी राहते. यामुळे तुमचे वजन नियंत्रणात राहील आणि तुमचा मूडही सुधारेल, ज्यामुळे रजोनिवृत्तीचा धोका कमी होण्यास मदत होईल. यासाठी तुम्ही स्ट्रेंथ ट्रेनिंग, कार्डिओ आणि लवचिकता वाढवणारे व्यायाम करू शकता. 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )