Hollywood : हॉलिवूडपटांची मेजवानी आता मराठीत

Hollywood : बहुचर्चित एकापेक्षा एक हॅालीवूड चित्रपटांची मेजवानी प्रेक्षकांना आता घरबसल्या घेता येणार आहे.

हॉलिवूड

Hollywood : भारतात हॉलिवूडपटांचा स्वत:चा असा मोठा चाहता वर्ग आहे. हॉलीवूड चित्रपट असो किंवा सीरिज त्या बघण्याची एक वेगळीच मजा असते. या चाहत्यांसाठी आणि हॉलिवूड चित्रपटप्रेमी रसिकांसाठी एक आनंदाची बातमी आहे. बहुचर्चित एकापेक्षा एक हॅालीवूड चित्रपटांची मेजवानी त्यांना आता घरबसल्या घेता येणार आहे ते सुद्धा चक्क मराठीत. 

प्रेक्षकांच्या मनोरंजनाची अचूक नस ओळखून त्यांचे मनोरंजन करण्याची किमया अल्ट्राने चांगलीच साधली आहे. वेगवेगळया संकल्पना व मनोरंजनाचे व्यासपीठ उपलब्ध करून देत त्यांनी अनेक नानाविध मनोरजंनाचा खजिना आजवर प्रेक्षकांसाठी आणला आहे. आता 'अल्ट्रा हॅालिवूड' या यूट्यूब चॅनलच्या माध्यमातून त्यांनी हॉलिवूडपटांची मेजवानी प्रेक्षकांसाठी आणली आहे. 

'अगेंस्ट द वाइल्ड II','बार्क रेंजर', 'ज्युरासिक गॅलेक्सी', 'सिजलिंग बेबी पांडा', 'रसेल मॅडनेस', 'कॉन्ट्रैक्ट टू किल', 'द डिफेंडर', 'वेक ऑफ़ डेथ', 'द स्टोलन प्रिंसेस', 'एयर 3', 'एयर 4', 'एयर 5' यासारखे अनेक गाजलेले हॉलिवूडपट पहायला मिळणार आहेत. अल्ट्राच्या 'हॉलिवूड मराठी' व 'अल्ट्रा किड्स' या यूट्यूब चॅनलच्या विभागात मराठीत डब केलेले गाजलेले हॉलिवूड आणि अॅनिमेशन चित्रपट पहाता येणार आहेत.

'अल्ट्राचे वेगवेगळे फेसबुक पेज अत्यंत लोकप्रिय असून, जगभरातील प्रेक्षकांचा याला खूप चांगला प्रतिसाद मिळत आहे. अनेक आकर्षक कलाकृतींची रेलचेल 'अल्ट्रा'च्या विविध पेजवर पहायला मिळते. ज्याला आजवर जागतिक स्तरावर लोकप्रियता मिळाली आहे. हॉलिवूडपटांची क्रेझ लक्षात घेता हे चित्रपट प्रेक्षकांसाठी अनोखी ट्रीट ठरतील यात शंका नाही.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha