एक्स्प्लोर

प्रभास आता सलमान खान, अक्षय कुमारच्या लाईनमध्ये; एका चित्रपटाचे मानधन 100 कोटींच्या पुढे

आदिपुरुष, राधे श्याम फेम सुपरस्टार 'प्रभास' हा सलमान खान आणि अक्षय कुमार सारखे एका सिनेमासाठी 100 कोटी रुपयांपेक्षा जास्त मानधन घेत आहे.

By : एबीपी माझा वेबटीम | Edited By: मंजिरी पोखरकर | Updated at : 27 Nov 2021 05:09 PM (IST)

प्रभास

Prabhas South Actor : प्रभास हा (Prabhas) दाक्षिणात्य सुपरस्टार आहे. दाक्षिणात्य सिनेमांत प्रभासला सर्वाधिक मागणी असते. प्रभासने आतापर्यंत आदिपुरुष, राधेश्यामसारखे बिग बजेट सिनेमे केले आहेत. प्रभासने आता सलमान खान, अक्षय कुमारच्या लाईनमध्ये प्रवेश केला आहे. एका सिनेमासाठी प्रभास 100 कोटींच्या पुढे मानधन घेत असल्याचे स्पष्ट झाले आहे.

भूषण कुमार त्याच्या आगामी सिनेमासाठी सध्या बड्या कलाकारांची निवड करत आहे. त्याच्या आगामी सिनेमात प्रभास मुख्य भूमिकेत आहे. राधे श्याम, आदिपुरुष आणि आत्मा सिनेमानंतर 'प्रभास' आता आगामी सिनेमासाठी उत्सुक आहे.
कलाकारांसाठी प्रभाससोबत काम करणं आता प्रतिष्ठेचा विषय बनला आहे. 'आदिपुरुष' सिनेमासाठी प्रभासने 150 कोटींचे मानधन घेतले होते. सलमान खान, अक्षय कुमार नंतर 100 कोटींच्या पुढे मानधन घेणारा प्रभास आता तिसरा अभिनेता आहे. अक्षय कुमारने बेल बॉटम सिनेमापासून 100 कोटी घेण्यास सुरुवात केली होती. तर सलमान खानने सुलतान सिनेमापासून 100 कोटींचे मानधन घेण्यास सुरुवात केली होती.

प्रभासचे आगामी सिनेमे

प्रभास लवकरच एका वैज्ञानिक चित्रपटात दिसून येणार आहे. या चित्रपटात दीपिका पादुकोण आणि अमिताभ बच्चनदेखील दिसून येणार आहेत. त्यात प्रभास रामाच्या भूमिकेत दिसून येणार आहे. या सिनेमाचे दिग्दर्शन ओम राउत करणार आहेत.

प्रभासचा 'आदिपुरुष' या भाषांमध्ये होणार प्रदर्शित

'आदिपुरुष' हा सिनेमा हिंदीसोबत तेलुगु, तमिळ, मल्याळम आणि कन्नड भाषेत प्रदर्शित होणार आहे. या चित्रपटाचे दिग्दर्शन ओम राऊत करत आहेत. प्रभास व्यतिरिक्त चित्रपटात सैफ अली खान, कृती सेनन आणि सनी सिंह दिसून येतील. 'आदिपुरुष'ची कथा रामायणावर आधारित असू शकते.

संबंधित बातम्या