Loksabha Election 2024 : आधी लगीन लोकशाहीचा! लग्नाच्या बोहल्यावर चढण्याआधी मतदान केंद्रावर पाऊल

लोकसभा निवडणुकीच्या मतदानाचा आज दुसरा टप्पा पार पडला... या लोकशाहीच्या सणादिवशीच अनेकांच्या लग्नाचेही मुहूर्त होते. हाच दुग्धशर्करा योग साधत, अनेकांनी मुंडावळ्या बांधत लोकशाहीचंही भान जपलं... नांदेडच्या रुपाली भांगे आणि गजानन माने यांनी लग्नाच्या बोहल्यावर चढण्याआधी मतदान केंद्रावर पाऊल ठेवत मतदानाचा हक्क बजावला. तर हिंगणघाट येथील जगदीश वैद्य यांनीही लग्नाच्या अक्षता पडण्याआधी मतदानावर शिक्का मारला. तर हिंगणघाटच्या प्रफुल्ल राऊत यांनीही लग्नाची वरात निघालेली असताना मतदान केंद्रावर हजेरी लावत मतदानाचं कर्तव्य पार पाडलं...