कौल कर्नाटकचा : संपूर्ण निकाल लागल्यानंतरच सत्ता स्थापनेसाठी आमंत्रण : राज्यपाल

कर्नाटक निवडणुकीमध्ये सत्तासंघर्ष आता टोकाला गेला आहे... कारण भाजप आरामात सत्ता स्थापन करणार असं वाटत असतानाच, अचानक काँग्रेसने यात उडी घेऊन जनता दला सेक्यूलरला सत्तास्थापनेसाठी बिनशर्त पाठिंबा दिला आहे. तर भाजप नेत्यांनीही सत्तेसाठी हालचाली सुरु केल्या असून कर्नाटकचे प्रभारी प्रकाश जावडेकर आणि भाजप नेते जे. पी. नड्डा हे अमित शाह यांच्या निवासस्थानी पोहोचले आहेत. मात्र संपूर्ण जागांचे निकाल जाहीर झाल्याशिवाय सत्ता स्थापनेसाठी आमंत्रण देणार नाही, असं कर्नाटकचे राज्यपाल वजूभाई वाला यांनी स्पष्ट केलं.