Team India : न्यूझीलंड विरुद्ध तिसरी कसोटी सुरु होताच बीसीसआयचा तडकाफडकी निर्णय, ऑस्ट्रेलियातील भारताची एक मॅच रद्द, कारण...

Team India : भारत आणि न्यूझीलंड यांच्यातील कसोटीतील तिसरी कसोटी सुरु झाल्यानंतर बीसीसीआयनं तडकाफडकी निर्णय घेतला आहे. त्याचं कारण देखील समोर आलं आहे.

बीसीसीआयचातडकाफडकीचा निर्णय

भारत आणि न्यूझीलंड यांच्यात तिसरी कसोटी मुंबईत सुरु आहे. पहिल्या दिवशी न्यूझीलंडच्या संघानं पहिल्या डावात 235 धावा केल्या. तर, भारताच्या संघानं पहिल्या दिवसाअखेर 4 बाद 86 धावा केल्या.

न्यूझीलंड विरुद्धची कसोटी मालिका संपल्यानंतर भारतीय संघ बॉर्डर गावस्कर ट्रॉफीसाठी ऑस्ट्रेलिया दौऱ्यावर जाणार आहे.

भारत अ संघ यापूर्वीच ऑस्ट्रेलियात दाखल झाला आहे. तिथं भारत अ आणि ऑस्ट्रेलिया अ यांच्यात सराव सामना सुरु झाला आहे.

भारत आणि न्यूझीलंड कसोटी सुरु असतानाच बीसीसीआयनं मोठा निर्णय घेतल्याचं वृत्त ईएसपीएन क्रिकइन्फोनं दिलं आहे.

ऑस्ट्रेलियामध्ये भारतीय संघ दाखल झाल्यानंतर एक सामना होणार आहे. भारत विरुद्ध भारत अ संघ यांच्यात एक सराव सामना होणार आहे. तो सामना शेवटच्या क्षणी कोणत्या खेळाडूला दुखापत होऊ नये रद्द करण्यात आल्याची माहिती आहे.