केस लुचले, फाड फाड कानशिलात लगावली, नोरा फतेहीने शूटिंग चालू असतानाच केली होती मारामारी; सांगितलं नेमकं काय घडलं होतं?

Nora Fatehi : बॉलिवुडमधील आघाडीची अभिनेत्री नोरा फतेहीने एक खास बाब सांगितली आहे. तिने एका कोस्टारसोबत थेट भांडण केले होते.

nora fatehi

नोरा फतेही या अभिनेत्रीला वेगळ्या ओळखीची गरज नाही. आजघडीला तिचे देशभरात कोट्यवधी चाहते आहेत. इन्स्टाग्रामवर तर तिच्या फोटोंना लाखोंनी लाईक्स असतात.

नोरा फतेही नुकतेच विनोदवीर कपिल शर्माच्या शोमध्ये एका चित्रपटाच्या प्रमोशनसाठी आली होती. यावेळी तिने रोअर या चित्रपटाच्या शूटिंगदरम्यान सहकालाकाराशी झालेल्या भांडणाबाबत माहिती दिली.

रोअर : टायगर्स ऑफ द सुंदरब या चित्रपटच्या शूटिंगदरम्यान नोरा फतेहीचे तिच्या सहकलाकाराशी भांडण झाले होते. विशेष म्हणजे या भांडणात दोघांनीही एकमेकांना मारलं होतं.

नोराने सांगितलं की, तो अभिनेता माझ्याशी फारच चुकीच्या पद्धतीने वागत होता. त्यामुळे मी फारच त्रासले होते. मला त्याच्या वागण्याचा फारच राग आला आणि मी त्याला एक चापट मारली.

त्यानंतर समोरच्या अभिनेत्यानेही मला एक चापट मारली. मग तर आमच्यातील भांडण चांगलेच वाढले. आम्ही एकमेकांचे केस धरून भांडत होतो. शूटिंगच्या सेटवर बराच वेळ हे भांडण चालू होते, असेही नोराने सांगितले.

नोराने कपिल शर्माच्या शोमध्ये हजेरी लावली होती. ती 'एन अॅक्सन हिरो' या चित्रपटाच्या प्रमोशनसाठी आली होती. याच कार्यक्रमात तिने हा किस्सा सांगितला.

नोराने सांगितलेला किस्सा ऐकून सर्वांनाच हसू फुटले. नोरा फतेहीने आतापर्यंत अनेक सुपरहिट चित्रपटांत काम केलेले आहे. यासह तिने आतापर्यंत अनेक आयटम साँग तसेच इतर गाण्यांत डान्स केलेला आहे.

अनेक डान्स रिअॅलिटी शोमध्ये तिने परीक्षकाचेही काम केलेले आहे. लोक तिचे नृत्या आणि सौंदर्याचे दिवाने आहेत. आज ती कोट्यवधीची मालकीण आहे.