(Source: Poll of Polls)
Israel-Hamas War Live Updates : इस्रायल-हमास संघर्ष सुरुच; हजारो लोकांचा बळी
Israel Palestine War : इस्रायल आणि पॅलेस्टाईन यांच्या 7 ऑक्टोबरला युद्धाला सुरुवात झाली असून संघर्ष कायम आहे. आतापर्यंत 3000 लोकांचा मृत्यू झाला आहे.
Background
Israel Hamas Conflict : इस्रायल आणि पॅलेस्टिनी यांच्यात युद्ध सुरु आहे. पॅलेस्टिनी दहशतवादी संघटना हमास आणि इस्रायल यांच्यातील संघर्ष अधिक तीव्र होताना दिसत आहे. या संघर्षात आतापर्यंत 3000 हून अधिक जणांचा मृत्यू झाला असून यामध्ये पॅलेस्टिनी आणि इस्रायली नागरिकांसह विदेशी नागरिकांचाही समावेश आहे. शनिवारी, 7 ऑक्टोबरला हमासने इस्रायलला लक्ष्य करत विविध शहरांवर हवाई, समुद्री आणि जमिनीवरून हल्ले करत युद्धाला सुरुवात केली. हमासने इस्रायलवर सुमारे 5000 हून अधिक रॉकेट डागले आहेत. इस्रायल लष्कराकडूनही हमासवर प्रतिहल्ले सुरु आहेत. इस्रायलकडून गाझातील हमासच्या ठिकाणांना लक्ष्य करुन त्यांचे तळ उदध्वस्त करण्यात येत आहेत.
Israel Hamas War : पॅलेस्टिनी नागरिकांवर उपासमारीचं संकट
युद्धादरम्यान पॅलेस्टिनी नागरिकांना मूलभूत गोष्टींसाठी संघर्ष करावा लागत आहे. गाझा पट्टीपर्यंत पोहोचलेली मानवतावादी मदत पुरेशी नाही. अन्न-पाण्याअभावी पॅलेस्टिनी नागरिकांवर उपासमारीचं संकट ओढावलं आहे.
Israel-Hamas War Live Updates : युद्धात इस्रायलची बाजू अधिक भक्कम
इस्रायल आणि हमास यांच्यातील युद्ध जसजसे अधिक तीव्र होत आहे, तसतसे इस्रायलकडे माप झुकताना दिसत आहे. याआधी इस्रायल गाझा पट्टीतील हमासच्या ठिकाणांना लक्ष्य करत होता, आता इस्रायलने वेस्ट बँकमधील हमासच्या ठिकाणांवर हल्ले वाढवले आहेत. रविवारी इस्रायली सैन्याने वेस्ट बँकमधील एका मशिदीच्या भूमिगत भागावर हवाई हल्ला केला, जिथे दहशतवादी तळ असल्याचा इस्रायली सैन्याचा आरोप आहे.
महत्त्वाच्या बातम्या
