Pune News LIVE Updates : पुणे आणि परिसरातील महत्त्वाच्या बातम्यांचा आढावा फक्त एका क्लिकवर...
Pune News LIVE Updates : पुणे आणि परिसरातील सामाजिक, आर्थिक, शैक्षणिक, क्रिडा, राजकीय क्षेत्रातील महत्त्वाच्या बातम्यांचा आढावा फक्त एका क्लिकवर...
LIVE

Background
गंगाराम आई माता मंदिराजवळ लागलेली आग आटोक्यात, कुलींगचे काम सुरू
गंगाराम आई माता मंदिराजवळ लागलेली आग आटोक्यात आलेली आहे. घटनास्थळी कुलींगचे काम सुरू आहे. या गोडाउनमध्ये जवळजवळ दोन कोटी रुपयाचं सामान होतं. पण या आगीच्या घटनेत पूर्ण जळून खाक झालेलं आहे.
पुण्यात श्रीजी लॉन्स येथे एका गोडाऊनला आग, अग्निशमन दलाची वाहने घटनास्थळी दाखल
पुण्यातील गंगाधाम, आई माता मंदिराजवळ, श्री जी लॉन्स येथे एका गोडाऊनला आग लागली आहे. अग्निशमन दलाची 10 अग्निशमन वाहने घटनास्थळी दाखल झाली असून आग विझवण्याचे काम सुरु आहे.
किरण गोसावीवर फरासखाना पोलीस ठाण्यात फसवणुकीचा गुन्हा दाखल
किरण गोसावीवर फरासखाना पोलीस ठाण्यात फसवणुकीचा गुन्हा दाखल झाला आहे. यात एक महिला आरोपीला अटक करण्यात आली आहे. गोसावीने शरण येण्या संदर्भात कोणताही संपर्क पुणे पोलिसांशी साधलेला नाही. पुणे पोलिसांच्या दोन टीम राज्याबाहेर त्याच्या शोध घेत आहेत.
पुण्यात करण्यात आले भीक मागो आंदोलन
पाण्याची गुणवत्ता तपासून लोकांच्या आरोग्याची काळजी घेणाऱ्या पाणी गुणवत्ता तपासणी प्रयोग शाळेतील कंत्राटी कर्मचाऱ्यावर शासनाने खाजगीकरणाची कुराड चालवण्याच्या हालचाली सुरू केल्या आहेत असा आरोप करत आज राज्यातील शेकडो कंत्राटी कर्मचाऱ्यांनी केला. आज भूजल भवन येथे मोठ्या प्रमाणात आंदोलन करण्यात आले. भूजल सर्वेक्षण आणि विकास यंत्रणानी कंत्राटी कर्मचाऱ्यांचे अकरा महिन्याचे नियुक्ती आदेश संपुष्टात आल्यानंतर पुनर्नियुक्ती आदेश न देता कालावधी संपलेल्या कर्मचाऱ्यांना काम करण्यास मज्जाव केला आहे. त्यामुळे जिल्ह्यातील पाणी तपासणी प्रयोगशाळा बंद पडल्या आहेत. दिवाळी तोंडावर आल्यानंतरही पुनर्नियुक्ती आदेश व थकीत चार ते पाच महिन्याचे मानधन न मिळाल्याने आज भीक मागो आंदोलन केलं आहे.
नगरसेवकाने उखडला सायकल ट्रॅक
वाहतुकीला अडथळा ठरत असलेला हडपसर येथील उड्डाणपूलाजवळील सुमारे दोनशे मीटर लांबीचा सायकल ट्रॅक एका नगरसेवकाने जेसीबी यंत्राच्या साह्याने उखडून टाकला आहे. अनेक वेळा निवेदने देऊनही अडचणीचा ठरत असलेला हा ट्रॅक पालिकेकडून काढला जात नसल्याने ही कृती करावी लागल्याचे या नगरसेवकाने सांगितले.नगरसेवक योगेश ससाणे यांनी याबाबत वारंवार निवेदने देवून प्रशासनाकडे हा ट्रॅक काढून रस्ता रूंद करण्याची मागणी केली होती. मात्र, त्याबाबत कोणतीही कार्यवाही न झाल्याने आज जेसीबी लावून हा संपूर्ण ट्रॅक उखडून टाकला आहे.
महत्त्वाच्या बातम्या
ट्रेंडिंग न्यूज
