Suresh Dhas meets Dhananjay Munde : मोठी बातमी : सुरेश धस आणि धनंजय मुंडे यांची गुप्तभेट, खासगी रुग्णालयात नेमकं काय घडलं?

Suresh Dhas meets Dhananjay Munde, Mumbai : आमदार सुरेश धस आणि मंत्री धनंजय मुंडे यांची गुप्तभेट झाल्याची सूत्रांची माहिती आहे., खासगी रुग्णालयात नेमकं काय घडलं जाणून घेऊयात..

Photo Credit - abp majha reporter

Source : ABPLIVE AI

Suresh Dhas meets Dhananjay Munde, बीड : मस्साजोगचे सरपंच संतोष देशमुख हत्याप्रकरणावरुन (Santosh Deshmukh Murder Case) आमने सामने आलेले भाजप आमदार सुरेश धस आणि मंत्री धनंजय मुंडे यांची गुप्त भेट झाल्याची माहिती समोर आली आहे. एबीपी माझाला सूत्रांनी ही माहिती दिली आहे. एका खासगी रुग्णालयात सुरेश धस (Suresh Dhas) आणि धनंजय मुंडे (Dhananjay Munde) यांची ही भेट झाल्याचं सांगण्यात येत आहे. साधारण चार पाच दिवसांपूर्वी ही भेट झाल्याची माहिती खात्रीलायक सूत्रांनी दिली आहे. संतोष देशमुख यांची हत्याप्रकरणातील खंडणीच्या गुन्ह्यात धनंजय मुंडे (Dhananjay Munde) यांचे सर्वात जवळचे कार्यकर्ते वाल्मिक कराड (Walmik Karad) हे सध्या कोठडीत आहेत. सुरेश धस यांनी हे प्रकरण लावून धरलेलं असताना, प्रत्यक्ष आणि अप्रत्यक्षरित्या धनंजय मुंडे यांना टार्गेट केलं आहे. मात्र आता सुरेश धस आणि धनंजय मुंडे (Dhananjay Munde) यांची गुप्त भेट झाल्याची माहिती समोर आल्याने, आश्चर्य व्यक्त होत आहे. 

दरम्यान, या भेटीबाबत प्रतिक्रिया व्यक्त करताना, "सामाजिक कार्यकर्त्या अंजली दमानिया (Anjali Damania) म्हणाल्या, हे सर्व सरप्राईजिंग आहे. माझ्या माहितीनुसार भाजप नेते आणि महसूलमंत्री चंद्रशेखर बावनकुळे (Chandrashekhar Bawankule) यांनी दोघांमध्ये समेट घडवून आणली आहे. पण ही अतिशय गंभीर बाब आहे"

सुरेश धस यांची पहिली प्रतिक्रिया 

सुरेश धस म्हणाले, धनंजय मुंडे यांचं ऑपरेशन झालेलं आहे. त्यादिवशी रात्री त्यांना हॉस्पिटलमध्ये अॅडमिट करण्यात आलं. दुसऱ्या दिवशी झाकून-लपून नाही. तर त्यांच्या निवासस्थानी भेटायला गेलो होतो. त्यांच्या तब्येतीची विचारपूस करण्यात गेलो होतो. त्यांच्याविरोधातील लढा आणि भेट या वेगळ्या गोष्टी आहेत. बावनकुळे साहेब आणि माझी आता भेट होईल. पर्वा भेटलो ते त्यांच्या प्रकृतीची चौकशी करायला गेलो होतो. 

धनंजय मुंडेंच्या कार्यालयाने वृत्त नाकारलं 

दरम्यान, धनंजय मुंडे यांच्या कार्यालयाने भेटीच्या वृत्ताचं खंडण करण्यात आलं आहे. अशी कोणतीही भेट झालेली नसल्याचे मंत्री धनंजय मुंडे यांच्या कार्यालयाकडून सांगण्यात आलं आहे. 

चंद्रशेखर बावनकुळे नेमकं काय म्हणाले? 

आम्ही चार साडेचार तास एकत्र होतो, सुरेश धस आणि धनंजय मुंडे दोघेही होते. दोघांमध्ये मतभेद आहेत, मनभेद नाहीत. दोघेही इमोशनल आहेत.दोघांमध्ये थोडे मतभेद आहेत, ते दूर होतील. माणसाच्या जीवनात थोडा काळ असा असतो, काळ मतभेद दूर करतो. काही काळाने धनंजय मुंडे आणि सुरेश धस यांचे मतभेद दूर होतील. मी पक्षाचा अध्यक्ष आहे, माझ्याकडे दोघेही भेटले.धनंजय मुंडेंनी भाजपच्या प्रवासासोबत माझ्यासोबत काम केलं आहे. त्यामुळे धनंजय मुंडे आणि सुरेश धस यांच्यातील भेट ही पारिवारीक भेट झाली आहे.आम्ही तिघेही परिवार म्हणून बसलो होतो. त्यांच्या मतभेद आहेत, मनभेद नाहीत.

धनंजय देशमुख काय म्हणाले? 

धनंजय देशमुख म्हणाले, सुरेश धस यांची भूमिका न्यायाची आहे. ते आम्हाला न्याय मिळवून देतील, अशी आशा आहे. 

अंजली दमानियांची पहिली प्रतिक्रिया 

अंजली दमानिया म्हणाल्या, मला देखील चार ते पाच दिवसांपूर्वी असं समजलं होतं की, दोघांची भेट झाली. मात्र, मला असं सांगण्यात आलं होतं चंद्रशेखर बावनकुळे यांनी मध्यस्थी केली. पण अशी भेट झाली असेल तर फार दुर्दैवी आहे. कारण आता सुरेश धस मग त्यांच्याविरोधात लढतील की नाही? हे सर्व मला विक्षिप्त वाटतं आहे. आकाचा आका आहे वगैरे बोलत होते. आताच्या घडीला हे समोर येत असेल तर कठीण आहे. हे अतिशय चुकीचं आहे. 

सुषमा अंधारे काय काय म्हणाल्या? 

सुषमा अंधारे म्हणाल्या, सुरेश धस आणि मुंडेंची भेट झाली की नाही माहिती नाही. मात्र, मी बातम्या पाहत आहे. यामध्ये तथ्य असेल तर सुरेश धस यांची विश्वासार्हता संपलेली आहे. यासोबत देवेंद्र फडणवीस यांची विश्वासार्हता देखील संपलेली असेल. 

Dhananjay Munde धनंजय मुंडे, Suresh Dhasयांच्यामध्ये गुप्त भेट? खासगी रुग्णालयात भेट घेतली : सूत्र

 

इतर महत्त्वाच्या बातम्या