Earthquake Tremors : उत्तर भारतानंतर आता बिहार आणि ओडिशा सुद्धा भूकंपाने हादरला; आवाज ऐकताच लोक सैरावैरा धावू लागले

Earthquke in Bihar-Odisha : बिहारमध्ये सकाळी 8.02 वाजता भूकंप झाला. भूकंपाची तीव्रता रिश्टर स्केलवर 4.0 इतकी होती. त्याचे केंद्र सिवानमध्ये जमिनीखाली 10 किलोमीटर खोलीवर होते.

Earthquke in Bihar-Odisha

Source : PTI

Earthquke in Bihar-Odisha : आज सोमवारी (17 फेब्रुवारी) सकाळी दिल्लीसह उत्तर प्रदेश आणि हरियाणाच्या अनेक जिल्ह्यांमध्ये भूकंपाचे धक्के जाणवले. या तीव्र भूकंपाच्या धक्क्यांनी लोक घाबरले. झोपलेले लोक जागे होऊन घराबाहेर पडले. दिल्ली-एनसीआरनंतर बिहार आणि ओडिशामध्येही भूकंपाचे धक्के जाणवले आहेत. नॅशनल सेंटर फॉर सिस्मॉलॉजीनुसार, बिहारमध्ये सकाळी 8.02 वाजता भूकंप झाला. भूकंपाची तीव्रता रिश्टर स्केलवर 4.0 इतकी होती. त्याचे केंद्र सिवानमध्ये जमिनीखाली 10 किलोमीटर होते. सिवानच्या आसपासच्या जिल्ह्यांमध्ये भूकंप झाल्याची कोणतीही माहिती नाही. सध्या या भूकंपामुळे कोणत्याही प्रकारचे नुकसान झाल्याचे वृत्त नाही.

ओडिशात भूकंप कधी झाला?

दिल्ली-एनसीआर आणि बिहारनंतर ओडिशाच्या पुरी जिल्ह्यात सकाळी सव्वा आठ वाजता 4.7 रिश्टर स्केल तीव्रतेचा भूकंप झाला. मात्र, या भूकंपाचे धक्के ओडिशातील इतर शहरांमध्ये जाणवले की नाही, याबाबत कोणतीही माहिती नाही. या भूकंपात कुठलीही हानी झाल्याची माहिती नाही.

EQ of M: 4.0, On: 17/02/2025 08:02:08 IST, Lat: 25.93 N, Long: 84.42 E, Depth: 10 Km, Location: Siwan, Bihar.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/nw8POEed0M

— National Center for Seismology (@NCS_Earthquake) February 17, 2025

दिल्लीसह यूपी-हरियाणातील कोणत्या शहरात भूकंप?

राष्ट्रीय भूकंप विज्ञान केंद्राच्या म्हणण्यानुसार, दिल्ली-यूपी-हरियाणामध्ये झालेल्या भूकंपाची तीव्रता रिश्टर स्केलवर 4.0 इतकी मोजली गेली. त्याचे केंद्र धौला कुआन जवळील तलाव उद्यानाजवळ जमिनीत पाच किलोमीटर खोलीवर होते. त्याची खोली कमी असल्याने त्याचे धक्के दिल्ली आणि आसपासच्या शहरांमध्ये अधिक जाणवले. शहरांबद्दल बोलायचे झाले तर उत्तर प्रदेशातील मुरादाबाद, सहारनपूर, अलवर, मथुरा आणि आग्रा येथे भूकंपाचे धक्के जाणवले. हरियाणातील कुरुक्षेत्र, हिसार आणि कैथलमध्ये भूकंपाचे धक्के जाणवले. मात्र यामध्ये कोणत्याही प्रकारचे नुकसान झाल्याची माहिती नाही.

पंतप्रधान मोदींचे आवाहन, सतर्क राहा

दिल्ली-एनसीआरमधील भूकंपानंतर पंतप्रधान नरेंद्र मोदी यांनी लोकांना सतर्क राहण्याचे आवाहन केले होते. त्यांनी सोशल मीडिया प्लॅटफॉर्म X वर पोस्ट केले आणि लिहिले की दिल्ली आणि आसपासच्या भागात भूकंपाचे धक्के जाणवले. प्रत्येकाला शांत राहण्याचे आणि सुरक्षिततेच्या खबरदारीचे पालन करण्याचे आवाहन करण्यात आले आहे आणि संभाव्य आफ्टरशॉकसाठी सतर्क रहा. अधिकारी परिस्थितीवर बारीक लक्ष ठेवून आहेत.

इतर महत्वाच्या बातम्या