Yavatmal Crime News : बसचालकाने विद्यार्थीनीला नागपूरला नेलं अन्....; यवतमाळच्या उमरखेडमधली संतापजनक घटना, आरोपीला अटक
Yavatmal Crime News : यवतमाळच्या उमरखेड येथून एक धक्कादायक बातमी समोर आली आहे. येथील शासकीय वसतिगृहात राहून शिक्षण घेणाऱ्या अल्पवयीन विद्यार्थीनीवर बसचालकाने अत्याचार केल्याची घटना उघडकीस आली.
Yavatmal Crime News : यवतमाळच्या उमरखेड येथून एक धक्कादायक बातमी समोर आली आहे. येथील शासकीय वसतिगृहात राहून शिक्षण घेणाऱ्या अल्पवयीन विद्यार्थीनीवर बसचालकाने अत्याचार केल्याची घटना उघडकीस आली. या मधील पीडित विद्यार्थीनीला नागपूर येथे नेऊन हा अत्याचार केला असल्याची माहिती पुढे आली आहे. याप्रकरणी बसचालकाला उमरखेड पोलिसांनी अटक केली आहे. संदीप विठ्ठल कदम (40, उमरखेड) असे बसचालकाचे नाव आहे. हे प्रकरण उजेडात येताच सर्वत्र एकच खळबळ उडाली आहे. या घटनेचा अधिक तपास पोलीस करत आहे. मात्र पुन्हा एकदा राज्यात महिलांच्या सुरक्षेचा प्रश्न चर्चेत आला आहे.
बसचालकाने विद्यार्थीनीला नागपूर नेलं अन्....
पोलीस तपासात पुढे आलेल्या माहितीनुसार, संदीप विठ्ठल कदम (40, उमरखेड) हा बसचालक असून तो नागपूर बस डेपोमध्ये कार्यरत आहे. बसचालक हा पीडितेला नेहमीच भेटत असे. अशातच 23 मार्च रोजी पहाटे पाचच्या सुमारास नागपूर येथे पोहोचल्यानंतर तो पीडितेला एका रूमवर घेऊन गेला आणि त्याठिकाणी त्याने तिच्यावर अत्याचार केला. त्यानंतर दुपारी चार वाजता नागपूर ते सोलापूर बसने पीडितेला उमरखेड येथे घेऊन निघाला. या दरम्यान विद्यार्थिनीने घडलेला सर्व प्रकार घरच्यांना सांगितला. त्यानंतर उमरखेड येथे आल्यावर पीडितेने घडलेल्या प्रकरणाची सविस्तर माहिती देत आईसह पोलीस ठाणे गाठून तक्रार दिली. त्यावरून पोलिसांनी चालकावर गुन्हे नोंद करून अटक केली. सध्या या घटनेचा पुढील तपास पोलीस करत आहे.
गरोदर महिलेचा प्रसूती दरम्यान मृत्यू, दोन डॉक्टरवर हलगर्जीपणाचा गुन्हा दाखल
कल्याण डोंबिवली महानगरपालिकेच्या शास्त्रीनगर रुग्णालयामध्ये गरोदर महिलेचा प्रसूती दरम्यान मृत्यू झाल्या प्रकरणी दोन डॉक्टरवर हलगर्जीपणाचा गुन्हा दाखल करण्यात आला आहे. डोंबिवली विष्णुनगर पोलीस ठाण्यात हा गुन्हा दाखल करण्यात आला आहे. डॉ. संगीता पाटीलसह डॉ मीनाक्षी केंद्रे यांच्यावर हा गुन्हा दाखल करण्यात आला आहे.
पुढे आलेल्या माहितीनुसार, 13 फेब्रुवारी सुवर्णा सरोदे यांचा प्रसूती दरम्यान मृत्यू झाला होता. यात मयत सुवर्णा हिच्या प्रसूती दरम्यान डॉ. संगीता पाटील, डॉ. मीनाक्षी केंद्रे या डॉक्टरांनी प्रसूती दरम्यान उपचार करताना हलगर्जीपाणा केल्यामुळे मृत्यू झाल्याचा यांच्यावर ठपका ठेवण्यात आला. या घटनेबाबत डॉक्टरांची समिती गठीत करण्यात आली होती. कल्याण डोंबिवली मनपा जेजे रुग्णालय यांची या घटनेवर संयुक्त कमिटी गठीत करण्यात आली होती. या कमिटीने डॉ. संगीता पाटील, मीनाक्षी केंद्रे यांना जबाबदार धरत डोंबिवली विष्णुनगर पोलीस ठाण्यात गुन्हा दाखल करण्याचे आदेश दिले आहेत.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
