Kuch Khatta Ho Jaay Review : अजिबात चव नसलेला 'कुछ खट्टा हो जाए', वाचा रिव्ह्यू

Kuch Khatta Ho Jaay Review : गुरु रंधावा याने जरी ऑटो ट्यूनवर जरी गायलं असतं आणि स्पीकर खराब जरी असते तरीही या चित्रपटामधून अधिक मनोरंजन झाले नसते. 

Kuch Khatta Ho Jaay Review : 'बन जा तू मेरी रानी, ​​तैनू महल दवा दांगा' हे गुरू रंधावाचं गाणं आहे.  ज्याचा अर्थ आहे की तू माझी गर्लफ्रेंड झालीस तर मी तुला एक महाल देईन.  पण जर तुम्ही हा चित्रपट तुमच्या गर्लफ्रेंडला दाखवला तर तुमचं ब्रेकअप निश्चित आहे. त्यामुळे नंतर असं म्हणू नका की तुम्हाला इशारा दिला नाही. हा चित्रपट इतका वाईट आहे की गुरू रंधावाने ऑटो ट्यूनवर गायले असते आणि स्पीकर खराब झाले असते तरीही मनोजरंजन होऊ शकले नसते. हा चित्रपट या वर्षातील सर्वात वाईट चित्रपटांच्या यादीत पहिल्या क्रमांकाचा प्रबळ दावेदार बनला आहे.गुरु एक अप्रतिम गायक असून तो क्यूट देखील आहे, म्हणूनच हा चित्रपट मी झेलतेयं, असं माझ्यासोबत चित्रपट पाहणाऱ्या दोन मुली वारंवार सांगत होत्या. पण प्रत्येकाकडे हा  चित्रपट सहन करण्याची ताकद असेलच असं नाही. 

कथा - कथा सांगून काही फरक पडणार नसला तरी कथा काहीशी क्लिष्ट आहे हे. गुरु रंधावा म्हणजेच हीरला लग्न करायचे नाही पण आजोबा अनुपम खेर यांना नातू किंवा नात हवी आहे.  सई मांजरेकर आएएस बनायचे आहे पण त्याच्या छोट्या बहिणीला लग्न करायचे आहे. पण मोठ्या बहिणीचे लग्न झाल्याशिवाय तिचे लग्न कसं होणार. अशा स्थितीत गुरू आणि सई मांजरेकरने एक करार केला आणि लग्न केले. मग सई मांजरेकर गरोदर असल्याचं नाटक करते आणि नंतर तुम्हाला कळलं असेल काय होतं. सई मांजरेकर आणि रंधाचं भांडं फुटतं.  आजोबांना हृदयविकाराचा झटका येतो आणि मग तेच नाटक आपण चार लाख पाचशे पंच्याऐंशी चित्रपटांमध्ये पाहिलंय.चित्रपटाची कथा तीन जणांनी मिळून लिहिली आहे आणि असं वाटतं. तसेच या तिघांनी एकमेकांवर काम टाकलंय,नाहीतर तिघेजण एवढा वाईट चित्रपट लिहू शकले नसते.

कसा चित्रपट आहे - खूप वाईट. खरंतर इतकं पुरेसं आहे पण अजून ऐका. या चित्रपटातील गाणं आहे ईशारे तेरे. मी तुम्हाला सरळ सांगतोय की हा चित्रपट पाहू नका. चित्रपटात असे काहीही नाही जे चांगले आहे. एक उत्तम कॉमेडी करण्याचा प्रयत्न केला आहे जो अगदीच निरुपयोगी वाटतो. चित्रपट सुरुवातीपासूनच खूप हलका वाटतो. गुरु ज्या स्तरावरचा गायक आहे त्या स्तरावरील हा चित्रपट अजिबात नाही. चित्रपटाच्या एका सीनमध्ये गुरु सई मांजरेकरसोबतच्या लग्नाचा करार जाळून टाकतो. त्यावेळी असं वाटतं की, चित्रपट पाहून या चित्रपटाची रिळ देखील जाळली तर बरं होईल. अधिक चांगला चित्रपट बनवण्याचा प्रयत्न केला असता तर प्रेक्षक वाचले असते असे वाटते. प्रेक्षकांना हा छळ सहन करावा लागला नसता. 

अभिनय - गुरु रंधवाच्या अभिनयात ताकद नाही.  तो पंजाबी गायक आहे आणि त्याला पंजाबी टच आहे.पण डायलॉग डिलिव्हरी खूपच खराब आहे. त्याच्या क्यूटनेसमुळे मुलींना तो आवडतो. पण या चित्रपटानंतर त्याची फॅन फॉलोइंग देखील कमी होऊ शकते. सई मांजरेकर या चित्रपटात चांगली दिसते पण ती एकटी हा वाईट चित्रपट घेऊन जाऊ शकत नाही. अनुपम खेर यांनी हा चित्रपट का केला हे समजण्यापलीकडचे आहे. चित्रपटाची स्क्रिप्ट खराब असल्याने कलाकारांकडून विशेष काम घेतले गेले नाही.

दिग्दर्शन - अशोक जींनी या चित्रपटाचे दिग्दर्शन केले आहे आणि कदाचित ते या चित्रपटातील सर्वात मोठे खलनायक आहेत. या चित्रपटामध्ये त्यांनी असं काहीच टाकलं नाही ज्यामुळे हा चित्रपट झेलता येईल.  गुरूसारख्या मोठ्या गायकाला चांगल्या पद्धतीने लाँच करण्याची गरज होती. चित्रपटात पुढे काय होईल हे एक लहान मूलही सांगू शकते. एकूणच हा चित्रपट झेलता न येण्यासारखा आहे.

स्टार - 5 पैकी 0