New Year पार्टीसाठी गोव्याव्यतिरिक्त 'हे' 3 समुद्रकिनारे म्हणजे धम्माल! नववर्षाचे स्वागत ठरेल अविस्मरणीय, एकदा अनुभव घ्याच..

New Year Travel: नववर्षाची पार्टी असेल, तर सर्वप्रथम लोकांच्या मनात गोव्याचे समुद्रकिनारे येतात. पण आज आम्ही तुम्हाला गोव्याव्यतिरिक्त काही चांगल्या समुद्रकिनाऱ्यांबद्दल माहिती देणार आहोत.

New Year Travel lifestyle marathi news Goa for a New Year party These places in South Goa few people know

Source : Google

New Year Travel: एकीकडे 2024 हे वर्ष संपायला आता अवघे काही दिवस शिल्लक आहेत. अनेक लोक आता नवीन वर्ष 2025 च्या स्वागतासाठी सज्ज झाले आहेत. अशात आता लोक नवीन वर्षात आपलं नशीबही उजळण्याची आशा घेऊन  या वर्षाची आतुरतेने वाट पाहत आहेत. कारण 2025 हे वर्ष तुमच्यासाठी चांगले असणार आहे. सरत्या वर्षात तसेच  नवीन वर्षात चांगल्या-वाईट आठवणी निर्माण होत राहतील, पण त्यासोबत जगण्याचे नवीन मार्ग शोधावे लागतील. नवीन वर्षाची सुरुवात तुम्ही पार्टी करण्याचा विचार करत असाल. त्यामुळे आज आम्ही तुम्हाला भारतातील अशाच काही समुद्रकिनाऱ्यांबद्दल सांगणार आहोत, जिथे तुम्ही तुमचे मित्र, जोडीदार किंवा कुटुंबियांसोबत पार्टी करायला जाऊ शकता. येथे तुम्ही खूप मजा करू शकता आणि नवीन वर्षाची सुरुवात उत्साहाने करू शकता.

राधानगर बीच, अंदमान

अंदमानमधील राधानगर बीचची गणना आशियातील सर्वात मोठ्या समुद्रकिनाऱ्यांच्या यादीत केली जाते. इथले पांढरे वाळवंट, स्वच्छ पाणी आणि हिरवळ तुमच्या नवीन वर्षाची पार्टी संस्मरणीय बनवेल. नवीन वर्षात तुम्ही येथे अनेक जलक्रीडांचा आनंद घेऊ शकता. येथे तुम्हाला गोव्यासारखी गर्दी दिसणार नाही, त्यामुळे तुम्हाला प्रवासाचा आनंद मिळेल. या बीचला जगातील 7 व्या सर्वात सुंदर समुद्रकिनाऱ्याचा मान मिळाला आहे.

मांडवी बीच, गुजरात

जर तुम्हाला कमी बजेटमध्ये नवीन वर्ष साजरे करायचे असेल तर तुम्ही गुजरातमधील मांडवी बीचवर पार्टी करायला जाऊ शकता. तुम्हाला तुमचे नवीन वर्ष शांत ठिकाणी साजरे करायचे असेल तर तुमच्यासाठी हे योग्य ठिकाण आहे. येथे तुम्ही उंट सवारीचा आनंदही घेऊ शकता. तुमच्या जोडीदारासोबत सुंदर सूर्यास्त पाहणे आणि समुद्रकिनाऱ्यावर तासनतास बसणे हा नवीन वर्षाची सुरुवात करण्याचा सर्वोत्तम मार्ग आहे. हा भारतातील सर्वोत्तम समुद्रकिनाऱ्यांपैकी एक आहे.

कन्याकुमारी बीच, तामिळनाडू

समुद्रकिनारी प्रेमींसाठी हा समुद्रकिनारा स्वर्ग म्हटले जाते. कन्याकुमारी किनारपट्टीवर अरबी समुद्र, बंगालचा उपसागर आणि हिंदी महासागर एकत्र येतात. दरवर्षी नवीन वर्ष साजरे करण्यासाठी येथे लोकांची गर्दी जमते. हे ठिकाण इतके सुंदर आहे की तुम्ही त्याच्या सौंदर्यात हरवून जाल. नेहमी लोकांच्या गर्दीने गजबजलेला हा बीच, तामिळनाडूच्या लोकांसाठी वीकेंडचे सर्वोत्तम ठिकाण आहे. पण नवीन वर्ष साजरे करण्यासाठी तुम्ही चांगला समुद्रकिनारा शोधत असाल तर विचार न करता इथे पोहोचा. 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )