Shanaya Kapoor Debut : आणखी एका स्टारकिडची बॉलिवूडमध्ये एन्ट्री, कपूर कुटुंबाची लाडकी परी करणार विक्रांत मेस्सीसोबत पदार्पण
Shanaya Kapoor & Vikrant Massey : संजय कपूर आणि महीप कपूर यांची मुलगी शनाया कपूर आता बॉलिवूडमध्ये डेब्यू करण्यास सज्ज आहे. ती विक्रांत मेस्सीसोबत चित्रपटात झळकणार आहे.
Shanaya Kapoor Debut in Bollywood : बॉलिवूडमध्ये कपूर, खान आणि बच्चन कुटुंबांची चलकी पाहायला मिळते. या कुटुंबातील स्टार किड्स बॉलिवूडमध्ये एन्ट्री घेतात आणि पहिल्याच चित्रपटाने स्टार बनतात. आता कपूर घराण्यातील आणखी एक लाडकी मुलगी बॉलिवूडमध्ये पदार्पण करण्यास सज्ज झाली आहे. सोनम कपूरची चुलत बहिण शनाया कपूर आता बॉलिवूडमध्ये डेब्यू करणार आहे. बॉलिवूड अभिनेता संजय कपूर आणि महीप संधू यांची मुलगी शनाया कपूर आता मोठ्या पडद्यावर पदार्पण करणार आहे.
आणखी एका स्टारकिडची बॉलिवूडमध्ये एन्ट्री
स्टारकिड शनाया कपूरने तिला पहिला प्रोजेक्ट साईन केला असून चित्रपटाच्या शूटींगला सुरुवातही केली आहे. शनाया कपूर 'आँखों की गुस्ताखियां' चित्रपटातून बॉलिवूड डेब्यू करणार आहे. या चित्रपटात शनाया कपूरसोबत बॉलिवूडचा स्टार विक्रांत मेस्सी दिसणार आहे. 'आँखों की गुस्ताखियां' चित्रपटाच्या शूटिंगला रविवारी मुंबईत सुरुवात झाली आहे. या चित्रपटात शनाया आणि विक्रांतचा रोमान्स पाहायला मिळणार आहे हा चित्रपट लेखक रस्किन बाँड यांच्या 'द आइज हॅव इट' या लोकप्रिय लघुकथेवर आधारित असेल. 'द आई हॅव इट' ची कथा प्रेम, स्वातंत्र्य, आठवणी आणि विश्वास यावर आधारित आहे.
कपूर कुटुंबाची लाडकी परी करणार विक्रांत मेस्सीसोबत पदार्पण
विक्रांत मेस्सीने त्याच्या दमदार अभिनयाने प्रेक्षकांच्या मनावर छाप पाडली आहे. तो आता शनाया कपूरसोबत फर्ल्ट करताना दिसणार आहे. अलीकडेच त्याच्या '12वी फेल' चित्रपटाने बॉक्स ऑफिसवर धमाका केला होता. त्याच्या आगामी 'द साबरमती एक्सप्रेस' चित्रपटाचाही दमदार ट्रेलर प्रदर्शित झाला असून चाहते चित्रपट प्रदर्शित होण्याची आतुरतेने वाट पाहत आहेत. आता विक्रांत मेस्सीने आगामी 'आँखों की गुस्ताखियां' या नवीन रोमँटिक चित्रपटाचं शूटिंग सुरू केलं असून त्याच्यासोबत शनाया कपूर मोठ्या पडद्यावर झळकणार आहे. हा चित्रपट शनाया कपूरचा बॉलिवूड डेब्यू असणार आहे.
शनाया कपूरने शेअर केली खास पोस्ट
View this post on Instagram
'आँखों की गुस्ताखियां' चित्रपटाच्या शूटींगच्या पहिल्या दिवसाचा फोटो शेअर करत शनायाने कॅप्शनमध्ये लिहिलंय, "प्रेम आंधळं असतं की आंधळं प्रेम असतं? प्रेमात पडणं ही बाब किती विलक्षण आहे! मिनी फिल्म्स तुमच्यासाठी 'आंखों की गुस्ताखियां' घेऊन येत आहे, जो रोमान्सचा नवा अनुभव असेल. प्रेम आणि उत्तम संगीताच्या या अविस्मरणीय प्रवासात आमच्यात सामील व्हा".
महत्त्वाच्या इतर बातम्या :
महेश भट यांच्यामागे निर्वस्त्र पळाली होती परवीन बाबी, पावसात भिजत सोडून गेला दिग्दर्शक; 'ही' अधुरी प्रेम कहाणी माहितीय?
महत्त्वाच्या बातम्या
ट्रेंडिंग न्यूज
