अब्जाधीशांच्या यादीत 15 भारतीय महिला, जगातील सर्वाधिक श्रीमंत महिला कोणत्या देशात?
जगातील श्रीमंत लोकांमध्ये महिलांचा देखील समावेश आहे. महिला अब्जाधीशांच्या यादीत (Female Billionaires list) अमेरिकेचं वर्चस्व असल्याचं पाहायला मिळत आहे.
Female Billionaires: जगातील श्रीमंत लोकांमध्ये महिलांचा देखील समावेश आहे. महिला अब्जाधीशांच्या यादीत (Female Billionaires list) अमेरिकेचं वर्चस्व असल्याचं पाहायला मिळत आहे. नुकत्याच झालेल्या एका अभ्यासानुसार अमेरिकेत महिला अब्जाधीशांची संख्या सर्वाधिक आहे. या यादीत अमेरिका पहिल्या क्रमांकावर असून भारताला टॉप-5 मध्ये स्थान मिळालं आहे.
भारतात दोन महिला सर्वात श्रीमंत
सिटी इंडेक्सच्या नव्या आंतरराष्ट्रीय महिला दिनाच्या अभ्यासानुसार, अब्जाधीशांच्या यादीत भारतातील 15 महिलांचा (richest woman)) समावेश आहे. सावित्री जिंदाल (savitri jindal) यांचे नाव आघाडीवर आहे. अभ्यासानुसार, भारतातील सर्वात श्रीमंत महिला सावित्री जिंदाल यांची संपत्ती 20.2 अब्ज डॉलर आहे. दुसऱ्या क्रमांकावर सायरस मिस्त्री यांच्या पत्नी रोहिका सायरस मिस्त्री यांचे नाव आहे. त्यांची एकूण संपत्ती 7.5 अब्ज डॉलर आहे.
जगातील सर्वात श्रीमंत महिला कोण?
आपण जर जगभराचा विचार केला तर सर्वात श्रीमंत महिला ही रिटेल चेन वॉलमार्टची वारसदार ॲलिस वॉल्टन आहे. एलिस वॉल्टनची एकूण संपत्ती सुमारे 78 अब्ज डॉलर आहे. ब्लूमबर्गच्या अब्जाधीश निर्देशांकानुसार, ती सध्या जगातील सर्वात श्रीमंत व्यक्तींच्या यादीत 19 व्या स्थानावर आहे. महिला अब्जाधीशांच्या यादीत एकट्या अमेरिकेतील 97 नावे आहेत, जी इतर कोणत्याही देशाच्या तुलनेत सर्वाधिक आहे.
कोणता देश कोणत्या स्थानावर?
सिटी इंडेक्सच्या अभ्यासानुसार, जगातील प्रत्येक 5 श्रीमंत महिलांपैकी 4 महिला अमेरिकेतील आहेत. अब्जाधीश महिलांच्या यादीत चीन दुसऱ्या क्रमांकावर आहे. सिटी इंडेक्सच्या महिला अब्जाधीशांच्या यादीत चीनमधील 42 महिलांना स्थान मिळाले आहे. युरोपची सर्वात मोठी अर्थव्यवस्था असलेला जर्मनी 22 महिला अब्जाधीशांसह तिसऱ्या स्थानावर आहे, तर युरोपमधील इटली 19 महिला अब्जाधीशांसह चौथ्या स्थानावर आहे. या यादीत 15 अब्जाधीश महिलांसह भारत पाचव्या स्थानावर आहे.
टॉप-10 मध्ये इतर देशांचा समावेश
जर आपण इतर देशांकडे पाहिले तर सिटी इंडेक्सनुसार ऑस्ट्रेलिया आणि स्वित्झर्लंडमध्ये प्रत्येकी 9 महिला अब्जाधीश आहेत. दोन्ही देश या निर्देशांकात ब्राझीलसह संयुक्तपणे सहाव्या क्रमांकावर आहेत. ब्राझीलमध्ये 9 महिला अब्जाधीश आहेत. हाँगकाँग, स्पेन, स्वीडन आणि फ्रान्स प्रत्येकी 7 महिला अब्जाधीशांसह संयुक्तपणे सातव्या क्रमांकावर आहेत. कॅनडा आणि दक्षिण कोरिया प्रत्येकी 6 महिला अब्जाधीशांसह आठव्या स्थानावर आहेत. तर इस्रायल आणि तुर्की संयुक्तपणे 9 व्या स्थानावर आहेत. कोट्यधीशांच्या यादीत दोन्ही देशातील 4-4 महिलांचा समावेश आहे.
महत्वाच्या बातम्या:
जगातील सर्वात श्रीमंत व्यक्ती कोण? 'या' दिग्गजांना टाकलं मागे, नेमकी किती आहे संपत्ती?
महत्त्वाच्या बातम्या
ट्रेंडिंग न्यूज
