Prakash Jamdade Jat Elecion : भाजप नेते प्रकाश जमदाडे जतमधून निवडणूक लढवण्यास इच्छूक

Prakash Jamdade Jat Elecion : भाजप नेते प्रकाश जमदाडे जतमधून निवडणूक लढवण्यास इच्छूक

जत विधानसभा मतदारसंघात अनेक भाजप नेत्यांकडून  जत विधानसभा निवडणुक लढवण्याची इच्छा व्यक्त केली जात आहे. भाजपाचे नेते आणि सांगली जिल्हा मध्यवर्ती बँकेचे संचालक प्रकाश जमदाडे यांनी देखील आपण कोणत्याही परिस्थितीत विधानसभा निवडणुक लढवणार असल्याचे जाहीर केलेय.  यामुळे भाजप पक्षाची जत विधानसभा मतदारसंघात उमेदवारी देण्यावरून डोकेदुखी होणार असे चित्र आहे. भाजपचे विधान परिषदेचे आमदार गोपीचंद पडळकर यांनी विधानसभा निवडणूक लढवण्याच्या दृष्टीने गेल्या काही महिन्यापासून जत तालुक्यात दौरे, भेटीगाठी वाढवल्या आहेत. दुसरीकडे भूमिपुत्राचा मुद्दा उपस्थित करून जत मधील भाजप नेते तम्मनगौडा रवी पाटील  देखील विधानसभा निवडणूक लढवण्यास इच्छुक आहेत. त्यासाठी त्यांनी संपूर्ण जत तालुक्यात जन कल्याण संवाद पदयात्रा काढली. आता जत मधील भाजप नेते असलेल्या प्रकाश जमदाडे यांनी देखील विधानसभा निवडणूक कोणत्याही परिस्थितीत लढवणार असल्याचे जाहीर केल्याने उमेदवारी देताना  भाजपची डोकेदुखी वाढणार आहे.