Mohammed Shami New Bike : मोहम्मद शामीने खरेदी केली Royal Enfield ची बाइक, जाणून घ्या किंमत

Mohammed Shami New Bike :  मोहम्मद शामीने रॉयल एनफील्डची बाइक खरेदी केली आहे.

Mohammed Shami,Royal Enfield

Mohammed Shami New Bike Royal Enfield Continental GT 650 : भारताचा वेगवान गोलंदाज मोहम्मद शामीने आयपीएलमध्ये दमदार कामगिरी केली. गुजरातच्या विजयात मोहम्मद शामीचा सिंहाचा वाटा आहे. आयपीएल 2022 मध्ये मोहम्मद शामीने 16 सामन्यात 20 बळी घेतलेत. मोहम्मद शामी सध्या ब्रेकवर आहे. बीसीसीआयने दक्षिण आफ्रिकाविरोधात मायदेशी होणाऱ्या टी 20 मालिकेतून शामीला आराम दिलाय. मोहम्मद शामी सुट्टी एन्जॉय करतोय. नुकतीच त्याने एक बाईक खरेदी केली आहे. या बाईकसोबतचा त्याचा फोटो सोशल मीडियावर व्हायरल झालाय. 

 मोहम्मद शामीने रॉयल एनफील्डची बाइक खरेदी केली आहे. या गाडीची किंमत तीन लाख रुपयांपेक्षा जास्त आहे. या बाइकमधील फिचर्स जबरदस्त आहेत. मोहम्मद शामीने आपल्या अधिकृत इन्स्टाग्राम खात्यावर बाईकसोबत फोटो पोस्ट केलाय. या फोटोला नेटकऱ्यांनी पसंती दर्शवली आहे. नेटकऱ्यांनी या फोटोवर कमेंट आणि लाईक्सचा वर्षाव केलाय. शामीच्या बाइकचं नेटकरी कौतुक करत आहे. मोहम्मद शामीने रॉयल एनफील्डची कॉन्टिनेंटल जीटी 650 बाइक खरेदी केली आहे. एका संकेतस्थळानुसार, या बाइकची किंमत (एक्स शो रूम) तीन लाख चार हजार रुपये इतकी आहे.  

पाहा शामीची इन्स्टाग्राम पोस्ट - 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mohammad Shami , محمد الشامي (@mdshami.11)

मोहम्मद शामीच्या रॉयल एनफील्डची कॉन्टिनेंटल जीटी 650 बाइकमध्ये एकापेक्षा एक सरस फिचर्स आहेत. या गाडीचं इंजिन 650 सीसी आहे. त्यासोबतच  6 स्पीडचं मॅन्युअल ट्रान्समिशन आहे. फ्यूल टँकची मर्यादा 12.5 लीटर इतकी आहे. गाडीचा मायलेज प्रति लीटर सरासरी  25 किलोमीटर इतका आहे. महत्वाचं म्हणजे,  रॉयल एनफील्डची कॉन्टिनेंटल जीटी 650 बाइक विविध रंगात उपलब्ध आहे.