Yashasvi Jaiswal: 'मला त्या क्रिकेट संघाकडून खेळायचं नाहीय'; आयपीएल सुरु असताना यशस्वी जैस्वालच्या निर्णयाने खळबळ

Yashasvi Jaiswal: यशस्वी जैस्वालच्या या निर्णयामुळे क्रिकेटमध्ये खळबळ उडाली आहे.

Yashasvi Jaiswal

आयपीएल 2025 मध्ये राजस्थान रॉयल्सकडून खेळणाऱ्या यशस्वी जैस्वालने स्पर्धेच्या मध्यभागी एक मोठा निर्णय घेतला आहे.

यशस्वी जैस्वालला देशांतर्गत स्पर्धेत मुंबई संघाकडून खेळायचे नाही, या संदर्भात त्याने मुंबई क्रिकेट असोसिएशनकडून ना हरकत प्रमाणपत्र (एनओसी) मागितले आहे.

इंडियन एक्सप्रेसच्या वृत्तानुसार, यशस्वी जैस्वालने मंगळवारी (1 एप्रिल) एमसीएला एक ईमेल लिहून पुढील हंगामासाठी मुंबईहून गोव्यात त्यांचा क्रिकेट राज्य संघ बदलण्यासाठी एनओसी मागितली आहे.

यशस्वी जैस्वालला देशांतर्गत क्रिकेटमध्ये आता मुंबईकडून खेळायचे नाहीय. यशस्वी जैस्वाल गोवा संघाकडून खेळण्यास इच्छुक आहे. त्यामुळे यशस्वी जैस्वालने हा निर्णय घेतल्याचे सांगितले जात आहे.

यशस्वी जैस्वालच्या या निर्णयामुळे क्रिकेटमध्ये खळबळ उडाली आहे.

यशस्वी जैस्वालने आमच्याकडे ना-हरकत प्रमाणपत्र मागितले आहे. गोवा संघाकडून खेळण्यासाठी त्याने वैयक्तिक कारणे सांगितली आहेत," असे एमसीएच्या एका सूत्राने सांगितले.

गेल्या वर्षी, बीसीसीआयने सर्व खेळाडूंना निर्देश दिले होते की जे आंतरराष्ट्रीय क्रिकेट खेळत नाहीत त्यांना देशांतर्गत सामने खेळावे लागतील.

यशस्वी जैस्वालही मुंबई संघाकडून खेळताना दिसला.

यशस्वी जैस्वाल कारकीर्द- यशस्वी जैस्वालने 36 प्रथम श्रेणी सामन्यांमध्ये 3712 धावा केल्या आहेत, ज्यामध्ये त्याचा सर्वोच्च धावसंख्या 265 आहे.

यशस्वी जैस्वालने प्रथम श्रेणी सामन्यात 13 शतके आणि 12 अर्धशतके केली आहेत. यशस्वी जैस्वालने लिस्ट ए मध्ये 33 सामने खेळले आहेत, ज्यामध्ये त्याने 1526 धावा केल्या आहेत. यामध्ये त्याने 5 शतके आणि 7 अर्धशतके झळकावली आहेत.

2023 मध्ये आंतरराष्ट्रीय क्रिकेटमध्ये पदार्पण करणारा यशस्वी जैस्वाल सध्या भारतासाठी तिन्ही फॉरमॅटमध्ये खेळतो. यशस्वी जैस्वालने 19 कसोटी, 1 एकदिवसीय आणि 23 टी-20 सामने खेळले आहेत. यशस्वी जैस्वालने कसोटीत 4 शतके आणि टी-20 मध्ये 1 शतक झळकावले आहे.