कॅच सोडल्याची भरपाई म्हणून डिनर देणार, रोहित शर्मानं शब्द दिला पण पूर्ण केला का? अक्षर पटेल म्हणाला...

Rohit Sharma Axar Patel : भारताचा कॅप्टन रोहित शर्मानं चॅम्पियन्स ट्रॉफीत बांगलादेशविरुद्धच्या मॅचमध्ये एक कॅच सोडला होता.

अक्षर पटेल रोहित शर्मा

भारतीय क्रिकेट संघानं चॅम्पियन्स ट्रॉफीत आतापर्यंत न सामने जिंकले आहेत. बांग्लादेश आणि पाकिस्तानला पराभूत करत भारतीय संघ उपांत्य फेरीत दाखल झाला आहे.

भारताचा कॅप्टन रोहित शर्मानं बांगलादेश विरुद्धच्या मॅचनंतर अक्षर पटेलला डिनरसाठी घेऊन जाणार असल्याचा शब्द दिला होता. आता तो शब्द रोहित शर्मा कधी पूर्ण करणार याकडे लक्ष लागलं आहे.

भारत आणि बांग्लादेश यांच्यातील चॅम्पियन्स ट्राफीतील मॅचमध्ये अक्षर पटेल डावाची नववी ओव्हर टाकत होता. अक्षरनं सलग दोन बॉलवर दोन विकेट घेतल्या होत्या. तिसऱ्या बॉलवर त्याला हॅटट्रिक करण्याची संधी होती.

अक्षर पटेलनं पहिल्या दोन बॉलवर तंजीद हसन आणि मुशफिकुर रहीम याला बाद केलं. यानंतर तिसऱ्या बॉलवर जाकिर अलीचा कॅच रोहित शर्माकडून सुटला.

रोहितनं कॅच सोडल्यानं अक्षर पटेलची हॅटट्रिक हुकली. रोहित शर्मानं मॅच जिंकल्यानंतर अक्षर पटेलला डिनरला नेण्याचा शब्द दिला होता.

पाकिस्तान विरूद्धच्या मॅचनंतर अक्षर पटेलला रोहित शर्मानं डिनरला नेलं का असा विचारलं असता त्यानं आमच्याकडे अजून सहा दिवसांचा वेळ आहे. या काळात रोहित डिनरला नेईल, असं अक्षर पटेल म्हणाला.

भारतीय क्रिकेट संघानं दोन मॅच जिंकल्या आहेत. यामध्ये अक्षरनं 3 विकेट घेतल्या आहेत. भारताचा पुढील सामना 2 मार्चला इंग्लंड विरुद्ध होणार आहे.