PHOTO : मुमराबाद येथे खंडेरायाचा यात्रा महोत्सव, बारा गाड्या ओढण्याची ऐतिहासिक परंपरा

Mamurabad Khandoba Yatra : मुमराबाद यात्रा महोत्सव आणि बारा गाड्या ओढण्याच्या सोहळ्यात पंचक्रोशीतील भाविकांची मोठी गर्दी होते.

मुमराबाद यात्रा महोत्सव आणि बारा गाड्या ओढण्याच्या सोहळ्यात पंचक्रोशीतील भाविकांची मोठी गर्दी होते.

जळगाव जिल्ह्यातील ममुराबाद गावात खंडोबा यात्रेनिमित्त बारा गाड्या ओढण्याचा ऐतिहासिक आणि पारंपरिक सोहळा मोठ्या उत्साहात पार पडला.

शेकडो वर्षांची परंपरा असलेल्या या अनोख्या विधीसाठी मोठ्या संख्येने भाविक आणि ग्रामस्थांनी हजेरी लावली.

गावातील खंडोबाच्या यात्रेचा मुख्य आकर्षण असलेला बारा गाड्या ओढण्याचा सोहळा मोठ्या श्रद्धेने पार पडतो.

या परंपरेनुसार, गावकरी एकत्र येऊन मोठ्या गाड्या दोरांनी ओढतात आणि हा सोहळा एकता, भक्ती आणि समर्पणाचे प्रतीक मानला जातो.

यात्रेच्या निमित्ताने ममुराबाद गावात मोठी गर्दी पाहायला मिळाली. गावभर उत्साहाचे आणि भक्तिमय वातावरण होते.

यात्रेच्या दरम्यान विविध धार्मिक विधी, सांस्कृतिक कार्यक्रम आणि पारंपरिक लोककला देखील सादर करण्यात आल्या.

ग्रामस्थांच्या सहकार्याने आणि आयोजकांच्या प्रयत्नाने हा सोहळा यंदाही यशस्वीरीत्या पार पडला. या परंपरेला गावकऱ्यांनी पुढील पिढ्यांसाठी जपण्याचा संकल्प केला आहे.