Aashadhi Wari 2024 : पंढरीची वारी...लागलीया आस...! संत गजानन महाराजांच्या पालखीचं आषाढी वारीसाठी शेगावातून पंढरपूरकडे प्रस्थान

Aashadhi Wari 2024 : जून महिना हा आषाढी वारीचा महिना मानला जातो. या दरम्यान विविध ठिकाणांहून पालख्या निघून त्या पंढरपूरकडे प्रस्थान करतात.

Aashadhi Wari 2024

सालाबादप्रमाणे आषाढी एकादशी सोहळ्यात सहभागी होण्यासाठी संत गजानन महाराजांची पालखी शेगाव येथून पंढरपूर येथे जात असते.

यंदाही पालखीचं शेगाव येथून पंढरपूरसाठी प्रस्थान होत आहे.

यंदा दिंडीचे हे 55 वं वर्ष आहे. जवळपास 700 वारकऱ्यांसह राजवैभवी थाटात या दिंडीचं प्रस्थान होत आहे.

या दिंडीत 700 वारकरी ,250 पताकाधारी 250 टाळकरी 200 सेवेकरी असा मोठा ताफा घेऊन श्रींची पालखी मंदिरातून प्रस्थान होत आहे.

तर पुढील एक महिना दोन दिवस पायी प्रवास करून 15 जुलै रोजी ही पालखी पंढरपूर येथे पोहोचणार आहे .

पंढरपूर येथील आषाढी उत्सवात हे सर्व वारकरी सामील होणार आहेत.

आषाढी सोहळा संपल्यावर पालखी 21 जुलै रोजी परतीच्या प्रवासाला निघून 11 ऑगस्ट रोजी शेगावात पोहोचेल.

आज पालखी प्रस्थान सोहळ्याला नवं नियुक्त केंद्रीय राज्यमंत्री प्रतापराव जाधव उपस्थित आहेत.

गण गण गणात बोतेच्या गजरात आणि हजारो भक्तांच्या उपस्थितीत प्रस्थान सोहळा संपन्न होत आहे.

एकूणच वारकऱ्यांचा आनंद आणि उत्साह या ठिकाणी पाहायला मिळतोय.