Prakash Ambedkar : सोमनाथ सूर्यवंशींच्या कुटुंबाला शासनाने पैसे अन् नोकरी द्यावी; प्रकाश आंबेडकरांची मागणी, सरकारवरही व्यक्त केला संताप

Prakash Ambedkar : सोमनाथ सूर्यवंशी यांच्या कुटुंबाला शासनाने 1 कोटी रुपये द्यावेत आणि कुटुंबातील एका व्यक्तीला शासकीय नोकरीत सामावून घ्यावं, असंही आंबेडकरांनी म्हटलं आहे.

Prakash Ambedkar

Source : PTI

परभणी: परभणीमधील स्टेशन रोडवरील डॉ. बाबासाहेब आंबेडकर यांच्या पुतळ्यासमोर असलेल्या संविधान प्रतिकृतीचा अवमान झाल्याचा प्रकार काही दिवसांपुर्वी समोर आला होता. त्याच्या निषेधार्थ पुकारण्यात आलेल्या बंदला हिंसक वळण लागले. शहरातील काही दुकाने आणि वाहनांवर दगडफेकीच्या घटना घडल्या. संतप्त जमावाने एसटी बसवरही दगडफेक केली होती. दरम्यान या दगडफेक प्रकरणी न्यायालयीन कोठडीत असलेल्या एका तरुणाचा मृत्यू झाल्याची धक्कादायक घटना घडली आहे. त्यानंतर आता परभणीतील या घटनेचे पडसाद राज्यभरात उमटताना दिसत आहेत. या प्रकरणी वंचित बहुजन आघाडीचे अध्यक्ष प्रकाश आंबेडकरांना आज याबाबत माध्यमांशी सविस्तरपणे भाष्य केलं आहे. 

यावेळी बोलताना प्रकाश आंबेडकर म्हणाले, परभणीत घटना ही दुर्दैवी आहे. तिथं बांगलादेश येथे हिंदूंवर अत्याचार झाला तो मोर्चा शांततेने पार पाडला. पवार नावाच्या व्यक्तीला माथेफिरू असं जाहीर केलं. पवार हा व्यक्ती माथेफिरु नाही. तो व्यवस्थित आहे. त्याचं कुटुंब आहे, असं म्हणणं आहे. नांदेड येथील ज्या डॉक्टरांनी माथेफिरू असं घोषित केलं आहे. त्या डॉक्टरची चौकशी झाली पाहिजे. पोलिसच गाड्या फोडत होते. सरकारचं नियंत्रण नाही. सूर्यवंशी हे शहिद झाले. एलएलबी करायला आले होते. शांततेत बसले होते, वाचत बसलेले असताना त्यांना पोलिसांनी उचलून नेलं, असंही पुढे प्रकाश आंबेडकर म्हणालेत. 

शवविच्छेदन अहवालात मारहाण झाल्याचं स्पष्ट झालं आहे. त्यात त्यांचा मृत्यू झाला. प्रशासनाला हे सर्व काबूत आणायचं असतं तर त्यांनी आणलं असतं. संविधानाची कॉपी उघडून टाकण्यात आली. यावर सरकार नियंत्रणात आणू शकलं असतं. पण त्यांनी नियंत्रण आणलं नाही. 2004 मध्ये जी गोध्रा घटना झाली. धर्म आणि द्वेष या गोष्टी पेरण्यात आल्या आहेत. यामुळं काहीही होऊ शकतं. अशी परिस्थिती आहे. SP आणि IG यांनी कॉम्बिंग ऑपरेशन केलं नाही. ज्या व्यक्तीमुळे घटना घडली ते दुसरीकडून आले होते का?पोलिसांनी वस्तीत जाऊन लाठीचार्ज केला आहे. सव्वा महिन्याच्या मुलाच्या आईला घरात पोलिसांनी मारहाण केली आहे. हा सर्व उद्रेक आहे. यातून नवीन गोध्रा घडवण्याचं षडयंत्र आहे. लोकांनी आता सावध राहील पाहिजे. भडकवणारे अनेक येतील, असंही पुढे प्रकाश आंबेडकर म्हणालेत. 

सोमनाथ सूर्यवंशी यांच्या कुटुंबाला शासनाने 1 कोटी रुपये द्यावेत आणि  कुटुंबातील एका व्यक्तीला शासकीय नोकरीत सामावून घ्यावं. ज्याला घरात जाऊन मारहाण करण्यात आली. पाय तुटले आहेत. त्यांना 25 लाख रुपये द्यावेत आणि ते पैसे पोलिसांकडून वसूल करावेत. तरच अशा गोष्टींवर नियंत्रण येईल. भाजपने दंगल नियंत्रणात आणण्याचा प्रयत्न केला नाही. हा वर्ग केवळ मतपेटीसाठी हवाय त्यांच्या सुखदुःखात सहभागी होत नाहीत. गोध्रासारखं प्रकरण होऊ नये म्हणून सरकारने लवकरात लवकर जाग व्हावं. घोरबड नावाचे व्यक्ती आहेत. त्यांनी दोन जणांचा एनकाउंटर केलाय आहे. गोळ्या घातल्या आहेत. गुन्हेगारी पार्श्वभूमीचे घोरबड आहेत, असा दावा प्रकाश आंबेडकरांनी केला आहे. 

दोन मराठ्याच्या भांडणात सामान्य जनता भरडली जात आहे. सूर्यवंशी यांना लक्ष का केलं गेलं? यावर पोलिसांनी शोध घ्यावा? मराठा दलित नाही, परभणीतील रहिवाशांनी बंदला पाठिंबा दिला. घडलेल्या घटनेविषयी खंत आहे. दंगली मागील म्होरक्या कोण आहे. हे सरकार शोधू शकत. दंगलीमधील सेन्स आहे. जो लाठीचार्ज केला, त्यातील काही विधान होती त्यात द्वेष होता. आमच्या जमिनी खाल्ल्या ही मनुवाद्यांची भाषा आहे. हे सरकारने शोधलं पाहिजे. काँग्रेस पक्षाकडे 5 -6 दिवस आहेत. काँग्रेसने भूमिका घेतली नाही. तर, ते बिल मंजूर होईल. बिल आलं तर राजकीय पक्ष संपले अस समजा. तुतारी पक्षाने याबद्दल चिंता व्यक्त केली नाही, असंही प्रकाश आंबेडकरांनी म्हटलं आहे.