![ABP Premium](https://cdn.abplive.com/imagebank/Premium-ad-Icon.png)
Sunetra Pawar Sharad Pawar : सुनेत्रा पवार मोदीबागेत, पुण्यात भेटीगाठी, नणंदेच्या भेटीला गेल्याची दादा गटाची माहिती!
Sunetra Pawar Sharad Pawar : राज्यसभा खासदार झाल्यानंतर सुनेत्रा पवार पहिल्यांदा पुण्यातील मोदीबागेत दाखल झाल्या होत्या.
![Sunetra Pawar Sharad Pawar : सुनेत्रा पवार मोदीबागेत, पुण्यात भेटीगाठी, नणंदेच्या भेटीला गेल्याची दादा गटाची माहिती! sunetra pawar ajit pawar wife reached to meet sharad pawar at modi baugh residence in pune ncp marathi news Sunetra Pawar Sharad Pawar : सुनेत्रा पवार मोदीबागेत, पुण्यात भेटीगाठी, नणंदेच्या भेटीला गेल्याची दादा गटाची माहिती!](https://feeds.abplive.com/onecms/images/uploaded-images/2024/07/16/dda5d82da7160a32e6e03a05d1e7cb061721108900139989_original.jpg?impolicy=abp_cdn&imwidth=1200&height=675)
पुणे : राष्ट्रवादी काँग्रेसचे नेते छगन भुजबळ (Chhagan Bhujbal) यांनी काल शरद पवार (Sharad Pawar) यांची भेट घेतली होती. या भेटीच्या चर्चा सुरु असतानाच राज्यसभा खासदार सुनेत्रा पवार (Sunetra Pawar) आज पुण्यात मोदीबागेत दाखल झाल्या होत्या. शरद पवार काल मुंबईहून पुण्याला रवाना झाले होते. आज सकाळी सुनेत्रा पवार मोदी बागेत दाखल झाल्या होत्या. मोदी बागेत दाखल झाल्यानंतर सुनेत्रा पवार यांनी नेमकी कुणाची भेट घेतली याबाबत उत्सुकता निर्माण झालेली आहे.
सुनेत्रा पवार यांनी कुणाची भेट घेतली?
सुनेत्रा पवार यांनी बारामती लोकसभा मतदारसंघाची निवडणूक सुप्रिया सुळे यांच्या विरोधात लढवली होती. या निवडणुकीत सुप्रिया सुळे यांनी सुनेत्रा पवार यांचा पराभव केला होता. यानंतर अजित पवार यांच्या राष्ट्रवादी काँग्रेसकडून सुनेत्रा पवार यांना राज्यसभा निवडणुकीत उमेदवारी देण्यात आली होती. सुनेत्रा पवार यांची खासदारपदी बिनविरोध निवड झाली होती. या सर्व घटनाक्रमानंतर सुनेत्रा पवार आज खासदार झाल्यानंतर पहिल्यांदा पुण्यातील शरद पवार यांचं निवासस्थान असलेल्या मोदीबागेत दाखल झाल्या होत्या. या भेटीत त्यांनी नेमकी कुणाची भेट घेतली याकडे सर्वांचं लक्ष लागलं आहे.
सुनेत्रा पवार मोदी बागेमध्ये दाखल झाल्या तेव्हा शरद पवार, सुप्रिया सुळेदेखील उपस्थित होते. शरद पवार, सुप्रिया सुळे मोदी बागेतील निवासस्थानी असताना सुनेत्रा पवार देखील मोदी बागेमध्ये दाखल झाल्या होत्या. त्यामुळं सुनेत्रा पवार यांनी मोदी बागेत कोणाची भेट घेतली याबाबत उत्सुकता निर्माण झाली आहे. सुनेत्रा पवार शरद पवार सुप्रिया सुळे यांना भेटल्या का याबात उत्सुकता देखील निर्माण झालेली आहे.
सुनेत्रा पवार साधारणपणे एक तास मोदीबागेत होत्या. एका तासानंतर सुनेत्रा पवार मोदी बागेमधून बाहेर पडल्या आहेत.
दरम्यान, सुनेत्रा पवार मोदी बागेत गेल्या, मात्र त्या शरद पवारांच्या भेटीला गेल्याची चर्चा होती. पण त्या अजित पवारांची बहीण नीता पाटील यांच्या भेटीला गेल्याचं स्पष्टीकरण अजित पवार गटाच्या प्रवक्त्यांनी दिली.
छगन भुजबळांकडून काल शरद पवारांची भेट
राष्ट्रवादी काँग्रेसचे ज्येष्ठ नेते छगन भुजबळ यांनी बारामतीत झालेल्या जनसन्मान रॅलीमध्ये शरद पवार यांच्यावर टीका केली होती. या टीकेनंतर छगन भुजबळ दुसऱ्याच दिवशी छगन भुजबळ शरद पवार यांच्या भेटीसाठी दाखल झाले होते. मुंबईत छगन भुजबळ यांनी सिल्वर ओक इथं शरद पवार यांची भेट घेतली होती. या भेटीत मराठा ओबीसी आरक्षणावरुन निर्माण झालेला वाद शांत करण्यासाठी शरद पवार यांनी प्रयत्न करावेत यासाठी चर्चा केल्याचं छगन भुजबळ यांनी सांगितलं होतं.
संबंधित बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![चंद्रकांत शिंदे](https://feeds.abplive.com/onecms/images/author/964429cd2a90fc9f23c8736386edb152.jpg?impolicy=abp_cdn&imwidth=70)