भारत-पाकिस्तान मॅच, राष्ट्रविरोधी घोषणा देणाऱ्या भंगारव्यवसायिकावर पालिकेचा जेसीबी; निलेश राणेंकडून इशारा
भारत पाकिस्तान क्रिकेट मॅचमध्ये भारत विजयी झाल्यानंतर मालवणमधील काही मुस्लिम समाजाच्या तरुणांनी राष्ट्रविरोधी घोषणा देऊन वातावरण भडकवण्याचा प्रयत्न केला.
सिंधुदुर्ग : चॅम्पियन ट्रॉफीमध्ये भारत आणि पाकिस्तान (IndvsPak) यांच्यातील पहिली लढत रविवारी झाली. सुट्टीचा रविवार अनेक दिवसानंतर भारत विरुद्ध पाकिस्तान सामन्यामुळे सगळ्यांच्या नजरा मोबाईल आणि टीव्हीच्या स्क्रीनवर खिळल्या होत्या. अपेक्षेप्रमाणे भारताने हा सामना एकहाती जिंकत भारतीयांची मने जिंकली, भारतीय क्रिकेट चाहत्यांना आनंद साजरा करण्याची संधी दिली. त्यामुळे, पाकिस्तानाला पराभूत करुन विराट विजय मिळवल्याने टीम इंडियाचं सर्वत्र कौतुक झालं. तसेच, फटाके फोडून, भारताचा जयजयकार आणि पार्ट्या करुन हा विजय साजरा करण्यात आला. मात्र, मालवणमध्ये एका भंगार व्यवसायिकाने राष्ट्रविरोधी घोषणा दिल्याचा आरोप केला जात आहे. दरम्यान, शिवसेना शिंदे गटाचे आमदार निलेश राणे (Nilesh Rane) यांनी ट्विट करुन संबंधित भंगार व्यावसायिकाने भारत-पाकिस्तान सामन्यातील विजयानंतर अशा घोषणा दिल्याचा आरोप केला आहे. तसेच, पालिकेनं संबंधितावर कारवाई केल्याचंही म्हटलंय.
भारत पाकिस्तान क्रिकेट मॅचमध्ये भारत विजयी झाल्यानंतर मालवणमधील काही मुस्लिम समाजाच्या तरुणांनी राष्ट्रविरोधी घोषणा देऊन वातावरण भडकवण्याचा प्रयत्न केला. त्यावेळी मालवणातील सर्व हिंदू युवकांनी रात्री या देशद्रोहीना पोलिसांच्या स्वाधीन केले. दुपारी मालवण देऊळवाडा पुलावरून मोटरसायकल रॅलीने मालवण पोलीस स्टेशन येथे हिंदू समाजाच्यावतीने मोटार सायकल रॅली काढण्यात आली होती. त्यावेळी, परप्रांतीय भंगार व्यवसायिकाकडून भारत विरोधी घोषणा दिल्याचा प्रकार घडला. याबाबत माहिती मिळताच नागरिकांनी संबंधितांना विचारणा केली असता संबंधितांकडून अरेरावी करण्यात आली. त्यानंतर संतप्त नागरिकांनी याबाबत पोलिसांना माहिती दिली. याप्रकरणी पोलिसांनी एका कुटुंबातील तिघांना ताब्यात घेतले आहे. चौकशी अंती एकाला अटक करण्यात आली असून एक जण अल्पवयीन असल्याने त्या कायद्यानुसार कार्यवाही सुरू आहे. तर परप्रांतीय भंगार व्यवसायिकाचीया बेकादेशीर झोपडी जेसीबीच्या सहाय्याने काढण्यात आली. प्रशासनाने ही अनधिकृत झोपडी उद्भवत केली असून आमदार निलेश राणे यांनी देखील याबाबत ट्वटि करुन माहिती दिली.
मालवणात एक मुसलमान परप्रांतीय भंगार व्यवसायिक यानी काल भारत पाकिस्तान मॅच नंतर भारत विरोधी घोषणा दिल्या.
— Nilesh N Rane (@meNeeleshNRane) February 24, 2025
कारवाई म्हणून आम्ही या परप्रांतीय हरामखोराला जिल्ह्यातून हाकलून देणारच पण त्या अगोदर तात्काळ त्याचा भंगार व्यवसाय उध्वस्त करून टाकला.
मालवण नगर परिषद प्रशासन आणि पोलीस… pic.twitter.com/LK1yDPuLa6
निलेश राणेंचं ट्विट काय?
मालवणात एका मुसलमान परप्रांतीय भंगार व्यवसायिकाने भारत पाकिस्तान मॅचनंतर भारत विरोधी घोषणा दिल्याचा आरोप करत त्याचे दुकान उध्वस्त करण्यात आले आहे. कारवाई म्हणून आम्ही या परप्रांतीय हरामखोराला जिल्ह्यातून हाकलून देणारच, पण त्या अगोदर तात्काळ त्याचा भंगार व्यवसाय उध्वस्त करून टाकला. मालवण नगर परिषद प्रशासन आणि पोलीस प्रशासन यांनी ताबडतोब कारवाई केल्याबद्दल त्यांचे आभार, असे ट्वटि आमदार निलेश राणे यांनी केलं आहे.
हेही वाचा
उष्माघाताचा पहिला बळी सांगलीत, गॅरेगारविक्रेत्याचा मृत्यू; कडक उन्हामुळे भोवळ येऊन उलट्या
महत्त्वाच्या बातम्या
ट्रेंडिंग न्यूज
