17 March 2022 Breaking News LIVE Updates : सोलापुरात सलग दुसऱ्या दिवशी तापमान 41 अंशावर

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...Navi Mumbai Fire : खारघ...

22:11 PM (IST)  •  17 Mar 2022

साईबाबांची गुरूवारची पालखी तसेच रंगपंचमीला निघणारी साईंच्या‌ रथाची मिरवणूक स्थगित

साईबाबांची गुरूवारची पालखी तसेच रंगपंचमीला निघणारी साईंच्या‌ रथाची मिरवणूक स्थगित, जिल्हाधिकारी यांच्या‌ आदेशाने १७ मार्च ते २२ मार्च पर्यंत निर्बंध...

21:35 PM (IST)  •  17 Mar 2022

मुंबई राष्ट्रवादी अध्यक्षपदाची जबाबदारी दोन नेत्यांकडे

मुंबई राष्ट्रवादी अध्यक्षपदाची जबाबदारी राखी जाधव आणि नरेंद्र राणे यांच्यावर सोपण्याचा निर्णय राष्ट्रवादीने घेतला आहे. नवाब मलिक यांच्या अटकेनंतर हा पदभार राष्ट्रवादीने या दोन नेत्यांकडे सोपवला आहे. 

21:33 PM (IST)  •  17 Mar 2022

महाभ्रष्ट आघाडी सरकारची होळी; भाजपाचे उस्मानाबादेत अनोखे आंदोलन

सत्तेच्या लालसेपोटी एकत्र आलेल्या सेना-खांग्रेस आणि राष्ट्रवादीचे सरकार सर्वसामान्य जनता, विद्यार्थी आणि शेतकरीविरोधी आहे. अश्या आघाडी सरकारची कारभाराची होळी करुन भारतीय जनता पार्टीच्या आज होळी आंदोलन केले.  आघाडी सरकारच्या विरोधात जोरदार घोषणाबाजी करत तीव्र निषेध नोंदवण्यात आला. कमिशन एजंट महाविकास आघाडीच्या नावानं बोऽ बोऽऽ अशा घोषणा देत कार्यकर्त्यांनी परिसर दणाणून सोडला. दुष्ट शक्तीचा नाश करण्यासाठी आज महाराष्ट्रावर महाविकास आघाडी सरकारचे संकट दूर व्हावे म्हणून आम्ही या सरकारचा निषेध करतो. हे सरकार भ्रष्टाचार्‍यांना आणि देशद्रोह्यांना पाठीशी घालत आहे. परकीय शक्तीला येथे सहारा देण्याचे काम शिवसेना, काँग्रेस, राष्ट्रवादीचे महाविकास आघाडी सरकार करत आहे. सर्वसामाान्यांवर अन्याय करणार्‍या, शेतकर्‍यांची वीज तोडणार्‍या महावसुली सरकारच्या नावाने बोंबाबोंब आंदोलन केले आहे 

17:56 PM (IST)  •  17 Mar 2022

Solapur Temperature  : सोलापुरात सलग दुसऱ्या दिवशी तापमान 41 अंशावर

Solapur Temperature  : सोलापुरात सलग दुसऱ्या दिवशी तापमान 41 अंशावर गेले आहे. आज सोलापुरात उच्चतम 41.6 अंश सेल्सिअस तापमानाची नोंद झाली. काल देखील पारा 41 अंशावर होता.  केवळ एका आठवड्यात पारा 28 अंशावरून 41 अंशावर पोहोचला आहे,

16:49 PM (IST)  •  17 Mar 2022

IPL : आयपीएल बस तोडफोड प्रकरण; मनसेच्या पाच जणांना जामीन मंजूर

मनसेच्या कार्यकर्त्यांनी आयपीएल बस फोडल्याची घटना बुधवारी घडली होती. त्या प्रकरणी पाच जणांना पोलिसांनी अटक केली होती. आता या पाच जणांना जामीन मंजूर झाला आहे.