टाटा मोटर्स देणार फास्ट-चार्जिंगच्या 250 स्टेशन्सची सुविधा, सामंजस्य करारावर स्वाक्षरी
Tata Motors : दिल्ली, मुंबई, चेन्नई, बेंगळुरू, पुणे आणि कोचीसह 50 हून अधिक शहरांमध्ये फास्ट-चार्जिंग स्टेशन्स उभारण्यात येणार आहेत.
मुंबई: टाटा मोटर्स या भारतातील सर्वात मोठ्या व्यावसायिक वाहन उत्पादक कंपनीने आज घोषणा केली की, कंपनी डेल्टा इलेक्ट्रॉनिक्स इंडिया आणि थंडरप्लस सोल्यूशन्स प्रा. लि. सोबत सहयोग करत आहे. याअंतर्गत देशभरात 250 नवीन फास्ट चार्जिंग स्टेशन्स स्थापित करत त्यांच्या इलेक्ट्रिक व्यावसायिक वाहनांसाठी चार्जिंग पायाभूत सुविधा विस्तारित करण्यात येतील. दिल्ली, मुंबई, चेन्नई, बेंगळुरू, पुणे आणि कोचीसह 50 हून अधिक शहरांमध्ये धोरणात्मकरित्या स्थित हे नवीन चार्जिंग स्टेशन्स 540 व्यावसायिक वाहन चार्जिंग पॉइण्ट्सच्या विद्यमान नेटवर्कमध्ये लक्षणीयरित्या वाढ करतील.
ई-कॉमर्स कंपन्या, पार्सल व कूरियरसेवा प्रदाता, तसेच इतर उद्योग त्यांचे कार्बन फूटप्रिंट कमी करण्याच्या उद्देशाने लास्ट-माइल डिलिव्हरींसाठी व्यावसायिक ईव्हींचे अवलंबन वाढवत आहेत. व्यावसायिक ईव्ही मूव्हमेंटबाबत माहितीच्या आधारावर टाटा मोटर्स हे फास्ट-चार्जिंग स्टेशन्स स्थापित करण्यासाठी सानुकूल लोकेशन्स आणि जवळच्या डिलरशिप्सची शिफारस करेल. डेल्टा इलेक्ट्रॉनिक्स आवश्यक हार्डवेअरचा पुरवठा करेल, तर थंडरप्लस सोल्यूशन्स त्यांना इन्स्टॉल करण्यासोबत ऑपरेट करेल.
या सहयोगाबाबत मत व्यक्त करत टाटा मोटर्स कमर्शियल वेईकल्सच्या एससीव्ही अँड पीयूचे उपाध्यक्ष व व्यवसाय प्रमुख श्री. विनय पाठक म्हणाले, ''आमचा उत्सर्जन-मुक्त कार्गो परिवहन सहजपणे उपलब्ध करून देण्याचा प्रयत्न आहे. महामार्गांवर चार्जिंग पायाभूत सुविधा अधिक प्रमाणात उपलब्ध करून दिल्याने अधिकाधिक ग्राहक इलेक्ट्रिक व्यावसायिक वाहनांचा अवलंब करण्यास प्रेरित होतील आणि वेईकल अपटाइममध्ये सुधारणा होऊन उच्च उत्पन्न व सर्वोत्तम नफ्याची खात्री मिळेल, तसेच शुद्ध, हरित पर्यावरणाप्रती योगदान देता येईल. आमच्या डिलरशिपमध्ये फास्ट चार्जर्स स्थापित केल्याने त्यांना ओळखीच्या ठिकाणी विश्वसनीय चार्जिंग सुविधा मिळतील.''
लि.चे व्यवस्थापकीय संचालक श्री. निरंजन नायक म्हणाले, "डेल्टाचा उज्ज्वल भविष्यासाठी नाविन्यपूर्ण, शुद्ध आणि ऊर्जा-कार्यक्षम सोल्यूशन्स देण्याचा मनसुबा आहे. टाटा मोटर्स आणि थंडरप्लससोबतचा हा सहयोग आम्हाला भारतातील इलेक्ट्रिक कार्गो इकोसिस्टमप्रती मोठ्या प्रमाणात योगदान देण्यास सक्षम करतो. आमचे प्रगत चार्जिंग तंत्रज्ञान देशभरातील वापरकर्त्यांसाठी इलेक्ट्रिक व्यावसायिक वाहन अनुभव वाढवण्यामध्ये महत्त्वाची भूमिका बजावेल."
थंडरप्लस सोल्यूशन्स प्रा. लि. चे मुख्य कार्यकारी अधिकारी श्री. राजीव वायएसआर म्हणाले, ''आम्हाला या उल्लेखनीय उपक्रमासाठी टाटा मोटर्स आणि डेल्टासोबत सहयोग करण्याचा आनंद होत आहे. सोयीसुविधा व विश्वसनीयतेची खात्री देणाऱ्या उच्च-स्तरीय चार्जिंग सोल्यूशन्ससह इलेक्ट्रिक व्यावसायिक वाहन ग्राहकांना सक्षम करण्यावर आमचा भर आहे. हा सहयोग भारतभरात शाश्वत परिवहन सोल्यूशन्सना चालना देण्यासाठी आमच्या मिशनशी परिपूर्णपणे संलग्न आहे. हा उपक्रम पूर्णपणे आमची मोहिम #HarGharThunder शी बांधील आहे, ज्याद्वारे आमचा चार्ज पॉइण्ट किफातशीर करून देण्याचा, तसेच इलेक्ट्रिक वेईकल चार्जिंग सुविधा मोठ्या प्रमाणात उपलब्ध करून देण्याचा मनसुबा आहे, ज्यामुळे चार्जिंगसंदर्भातील चिंता दूर होईल.''
टाटा मोटर्स लास्ट-माइल डिलिव्हरींसाठी भारतातील सर्वात प्रगत चार-चाकी ई-कार्गो सोल्यूशन 'एस ईव्ही' देते. या वेईकलला देशभरातील १५० हून अधिक इलेक्ट्रिक वेईकल सर्विस सेंटर्सचे पाठबळ आहे. या वेईकलमध्ये प्रगत बॅटरी मॅनेजमेंट सिस्टम, फ्लीट एज टेलिमॅटिक्स सिस्टम आणि दर्जात्मक अपटाइमसाठी प्रबळ अॅग्रीगेट्स आहेत. टाटा युनिव्हर्सच्या व्यापक क्षमतांचा फायदा घेत एस ईव्ही संबंधित टाटा ग्रुप कंपन्यांसोबतच्या सहयोगांचा, तसेच देशातील आघाडीच्या फायनान्शियर्ससोबतच्या भागीदारांचा फायदा घेते आणि ग्राहकांना सर्वांगीण ई-कार्गो मोबिलिटी सोल्यूशन देते. एस ईव्ही देशभरातील सर्व टाटा मोटर्स कमर्शियल वेईकल डिलरशिप्समध्ये खरेदी करता येऊ शकते.
महत्त्वाच्या बातम्या
