Women Health: सावध व्हा गं...चुकूनही करू नका 'या' लक्षणांकडे दुर्लक्ष! हृदयविकाराचा झटका येण्याचे 5 संकेत, वेळीच सावध व्हा..

Women Health: काही काळापासून हृदयविकाराच्या रुग्णांमध्ये झपाट्याने वाढ होत आहे. तरुण, महिलांना देखील हृदयविकाराचा झटका येऊ लागला आहे. 

Women Health lifestyle marathi news Ladies do not even ignore these symptoms 5 signs of a heart attack

Source : google

Women Health: ते म्हणतात ना.. महिलांचं आयुष्य हे घड्याळ्याच्या काट्यावर असते. वाढत्या वयानुसार त्यांना विविध शारिरीक आणि मानसिक समस्यांचा सामना करावा लागतो. अशात अनेक जबाबदाऱ्या आणि कामाचा ताण असल्यामुळे महिला आपल्या आरोग्यकडे दुर्लक्ष करताना दिसतात, मात्र असे करणे तुमच्यासाठी घातक ठरू शकतो. तसं पाहायला गेलं तर हृदय आपल्या शरीरातील अत्यंत महत्त्वाचा भाग आहे. हृदयाचे ठोके थांबणे म्हणजे आयुष्य थांबणे. पण आजकाल कमी वयाचे तरुण आणि महिलांमध्ये हृदयविकाराचा झटका ही एक गंभीर समस्या बनत चाललीय, या लोकांमध्ये हृदयविकाराची संख्या झपाट्याने वाढत आहेत. महिलांना हृदयविकाराचा झटका येण्यापूर्वी कोणती लक्षणे दिसतात? जाणून घेऊया..

हृदयविकाराच्या रुग्णांमध्ये झपाट्याने वाढ

एखाद्या व्यक्तीला हृदयविकाराचा झटका येतो, जेव्हा त्याच्या हृदयातील रक्त प्रवाह कमी होऊ लागतो किंवा जेव्हा हृदयाच्या रक्ताभिसरणात अडथळे येतात. या अडथळ्याचे मुख्य कारण म्हणजे कोलेस्टेरॉल आणि खराब चरबी जमा होणे. हा साचलेला पदार्थ रक्तप्रवाहात अडथळा आणतो आणि हृदयविकाराचा झटका येतो. जाणून घेऊया महिलांमध्ये हृदयविकाराच्या झटक्याची कोणती लक्षणे आहेत, जी वेळीच समजू शकतात. 

महिलांमध्ये हृदयविकाराच्या झटक्याची मुख्य 5 लक्षणे जाणून घ्या

छातीत दुखणे

छातीत दुखणे हे स्त्री आणि पुरुष दोघांमध्ये एक सामान्य लक्षण आहे. हे समजणे अगदी सोपे आहे की, हृदयविकाराचा झटका येण्यापूर्वी महिलांना हृदयाजवळ जडपणा, तणाव आणि दबाव जाणवतो. या स्थितीला वैद्यकीय भाषेत एनजाइना म्हणतात. एंजिना म्हणजे छातीत दुखणे, दाब आणि अस्वस्थता. तुम्हाला असे वाटत असल्यास ताबडतोब डॉक्टरांचा सल्ला घ्या.

बेशुद्धपणा

हृदयविकाराचा झटका येण्यापूर्वी महिला बेशुद्ध होतात आणि चक्कर येते. याबरोबरच मळमळ आणि उलट्या होणे देखील सामान्य आहे. मूर्च्छा येणे हे इतर काही आजाराचे लक्षण देखील असू शकते, परंतु छातीत दुखण्यासोबत असे वाटणे हे हृदयविकाराच्या झटक्याचे लक्षण असू शकते.

श्वास घेण्यात अडचण

जर तुम्हाला छातीत दुखण्यासोबत श्वास घेण्यात अडचण येत असेल तर हे देखील हृदयविकाराच्या झटक्याचे लक्षण असू शकते. श्वास घेण्यास त्रास होणे हे एक गंभीर लक्षण आहे, त्यामुळे जर तुम्हाला कधी असे वाटत असेल तर नक्कीच डॉक्टरांकडे जा.

अस्वस्थता

चिंता हा आणखी एक आजार आहे, परंतु हृदयविकाराचा झटका येण्यापूर्वी स्त्रियांना अशी चिन्हे दिसतात, ज्यामध्ये त्यांना अस्वस्थ वाटते. यासोबतच त्यांना थंड घामही येऊ लागतो.

असंतुलित मेंदू

वैद्यकीय भाषेत त्याला एम्टी हेड म्हणतात. महिलांना हृदयविकाराचा झटका येण्यापूर्वी अशी चिन्हे आढळतात ज्यामध्ये ते कोणत्याही कामात लक्ष केंद्रित करू शकत नाहीत. त्यांचा मेंदू विचार करण्याची आणि समजून घेण्याची क्षमता गमावू लागतो. ते काय करत आहेत हेही समजत नाही.

हृदयविकाराचा झटका तपासण्यासाठी कोणत्या चाचण्या कराव्यात?

तुम्हाला यापैकी कोणतीही लक्षणे आढळल्यास, तुमच्या डॉक्टरांना कळवा, ते तुमच्यावर काही चाचण्या करतील, ज्यापैकी दोन मुख्य चाचण्या आहेत:

ईसीजी

ईसीजी ही हृदयाच्या प्रमुख चाचण्यांपैकी एक आहे. ईसीजी हृदयाच्या ठोक्यांची गती तपासते. ईसीजीमध्ये, छाती, पाय आणि हात यासारख्या शरीराच्या वेगवेगळ्या भागांवर प्लास्टिकचे पॅचेस लावून इलेक्ट्रिकल मशीनद्वारे क्रियाकलाप रेकॉर्ड केला जातो.

ट्रोपोनिन चाचणी

ही चाचणी हृदयातील वाढलेल्या प्रथिनांचे प्रमाण तपासते. जेव्हा हृदयविकाराचा झटका येतो किंवा त्याची कोणतीही लक्षणे जाणवतात तेव्हा ही चाचणी केली जाते. ही चाचणी हृदयाला काही नुकसान आहे की नाही याची पुष्टी करते.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )