Mental Health : टेन्शनमध्ये तुमचेही हातपाय थरथर कापतात? हृदयाचे ठोके जलद होतात?  Anxiety तर नाही ना? प्रभावी मार्गांबद्दल जाणून घ्या..

Health : हातपाय थरथर कापणे, हृदयाचे ठोके जलद होणे ही चिंतेची लक्षणे असू शकतात, त्यावर नियंत्रण ठेवण्यासाठी प्रभावी पद्धतींचा अवलंब करा.

Mental Health Anxiety lifestyle marathi news

Source : Google

Mental Health : जीवनात चिंता म्हणजेच Anxiety ही एक अशी समस्या आहे, ज्याला प्रत्येक व्यक्तीला सामोरे जावे लागते, प्रत्येक व्यक्तीच्या जीवनात चढ-उतार येतात. परंतु इतर कारणांमुळे काही लोकांमध्ये ती लक्षणीयरित्या वाढते. जर तुमच्या चिंतेचा तुमच्या दैनंदिन जीवनावर परिणाम होऊ लागला असेल, तर त्याला कसं सामोरं जाल हे महत्त्वाचे आहे . आज आपण अशा परिस्थितीवर कशी मात कराल? याच्या प्रभावी मार्गांबद्दल जाणून घेऊ.

 

प्रत्येक व्यक्ती कधी ना कधी यातून जातो

चिंता ही एक अतिशय सामान्य प्रतिक्रिया आहे, जी आपल्याला धोक्याची किंवा आव्हानांबद्दल सावध करते. प्रत्येक व्यक्ती कधी ना कधी यातून जातो. जेव्हा चिंता जास्त होते किंवा नियंत्रणाबाहेर जाते तेव्हा त्याचा आपल्या जीवनावर परिणाम होऊ लागतो. तुम्हालाही अनेकदा चिंतेचा सामना करावा लागत असेल, तर त्यावर उपाय करण्याचे अनेक प्रभावी मार्ग आहेत, जे तुम्हाला आराम करण्यास खूप मदत करतील. या लेखात आपण त्या तंत्रांबद्दल जाणून घेण्याचा प्रयत्न करू.

 

जागरूक व्हा... स्वीकार करायला शिका

चिंता हाताळण्याची पहिली पायरी म्हणजे त्याची जाणीव असणे. चिंता ही एक सामान्य भावना आहे, हे समजून घ्या आणि ते स्वीकारा. त्याबद्दल लाज वाटून घेऊ नका. चिंतेबद्दल जागरूकता विकसित करण्यासाठी, तुम्ही चिंता निर्माण करणाऱ्या परिस्थिती ओळखणे, ट्रॅक करणे आणि समजून घेणे यावर लक्ष केंद्रित करू शकता.

योग, ध्यान करा

चिंता कमी करण्यासाठी आरामदायी तंत्रे महत्त्वाची भूमिका बजावतात. योग, ध्यान आणि दीर्घ श्वास यांसारखी तंत्रे तणाव कमी करण्यास आणि मन शांत करण्यास मदत करतात. योग आणि ध्यानामध्ये शारीरिक मुद्रा, लक्ष केंद्रित करण्याचे तंत्र आणि मन शांत करण्याचे मार्ग यांचा समावेश होतो. खोल श्वास घेतल्याने शरीराला अधिक ऑक्सिजन मिळतो आणि ताण कमी होतो.

शारीरिक अॅक्टिव्हिटी

चिंता कमी करण्यासाठी नियमित व्यायाम प्रभावी ठरू शकतो. तुमचे शरीर तंदुरुस्त ठेवण्यासोबतच तुमचे मनही शांत होते. व्यायामामुळे एंडोर्फिन सोडतात, जे नैसर्गिक वेदना कमी करणारे आणि मूड वाढवणारे हार्मोन्स आहेत. चालणे, धावणे, पोहणे, सायकल चालवणे, योगासने इत्यादी विविध प्रकारचे व्यायाम करा.

निरोगी जीवनशैली

निरोगी जीवनशैलीचा अवलंब करणे देखील महत्त्वाचे आहे. पुरेशी झोप घ्या, सकस आहार घ्या आणि मादक पदार्थांपासून दूर राहा. या सर्व गोष्टी तुमच्या आरोग्याला चालना देऊ शकतात. पुरेशी झोप घेणे खूप महत्वाचे आहे, कारण झोपेची कमतरता चिंता वाढवू शकते. तसेच फळे, भाज्या, संपूर्ण धान्य आणि प्रथिने यांचा आहारात समावेश करा. मादक पदार्थांपासून दूर राहणे महत्वाचे आहे, कारण ते चिंता वाढवू शकतात.

 

सामाजिक संबंध

मित्र आणि कुटुंबासोबत वेळ घालवल्याने चिंता कमी होण्यास मदत होते. सामाजिक समर्थन तुमचे भावनिक आरोग्य वाढवू शकते. तुमच्या जवळच्या मित्रांसोबत किंवा कुटुंबासोबत वेळ घालवा, सामाजिक उपक्रमांमध्ये सहभागी व्हा आणि सकारात्मकता ठेवा.

 

समस्या सोडवा

जर एखाद्या विशिष्ट समस्येमुळे चिंता निर्माण होत असेल तर त्या समस्येवर उपाय शोधण्याचा प्रयत्न करा. छोट्या छोट्या पावलांमध्ये समस्येचा सामना करा आणि सकारात्मक विचार करा. यासाठी प्रथम समस्या ओळखा, संभाव्य उपाय शोधा आणि त्यावर अंमलबजावणी करण्याचा प्रयत्न करा. यासाठी तुम्ही व्यावसायिकांचीही मदत घेऊ शकता.

 

व्यावसायिक मदत घ्या

जर चिंता तुमच्या दैनंदिन जीवनावर परिणाम करत असेल, तर व्यावसायिक मदत घेण्यास अजिबात संकोच करू नका. एक मानसशास्त्रज्ञ किंवा थेरपिस्ट आपल्याला यास सामोरे जाण्यास मदत करू शकतात.

 

हे ट्राय करून बघा 

आपले विचार आणि भावना डायरीत लिहिल्याने चिंता कमी होण्यास मदत होते. त्याचप्रमाणे दररोज निसर्गात थोडा वेळ घालवल्याने तणाव आणि चिंता कमी होऊ शकते. याशिवाय गाणी ऐकणे आणि तुमचा आवडता छंद करणे यामुळेही चिंता कमी होते.

 

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )