सलमान खान दरवर्षी सरकारला किती कर भरतो? टॅक्स भरण्यामध्ये बॉलिवूडचा 'किंग' कोण?
Salman Khan Tax: बॉलिवूडचा दबंग म्हणजे, सलमान खान. जो त्याच्या चित्रपटांपेक्षा त्याच्या वैयक्तिक आयुष्यासाठी जास्त चर्चेत असतो. पण, तो तेवढा टॅक्सही भरतो...
Salman Khan Tax: बॉलिवूडचा (Bollywood) भाईजान सलमान खान (Salman Khan) दरवर्षी आपल्या चाहत्यांसाठी नवनवीन चित्रपट घेऊन येतो. त्यात ईदची ईदी तर ठरलेलीच. पण भाईजान केवळ चाहत्यांना दमदान चित्रपटांची मेजवानीच देत नाहीतर आपलं कर्तव्यही पार पाडतो. भाईजान वेळच्यावेळी केंद्र सरकारकडे आपल्या वाट्याचा टॅक्स भरतो. सलमान खान आपल्या चित्रपटांमधून कोट्यवधींची कमाई करतो. सध्या सुरू असलेलं बिग बॉस होस्ट करण्यासाठी सलमान खान कोट्यवधींचं मानधनही घेतो. पण, तो सर्वाधिक टॅक्सही भरतो. सर्वाधिक टॅक्स भरणाऱ्या अभिनेत्यांच्या यादीत सलमान खान यंदा तिसऱ्या क्रमांकावर आहे.
सलमान खान किती टॅक्स भरतो?
बॉलिवूडचा दबंग म्हणजे, सलमान खान. जो त्याच्या चित्रपटांपेक्षा त्याच्या वैयक्तिक आयुष्यासाठी जास्त चर्चेत असतो. पण आज आम्ही त्याच्या वैयक्तिक आयुष्याबाबत नाहीतर, तो केंद्र सरकारकडे किती टॅक्स भरतो, याबाबत सांगणार आहोत. सर्वाधिक कर भरणाऱ्या भारतीय सेलिब्रिटींच्या यादीत सलमान तिसऱ्या क्रमांकावर आहे. सलमान खाननं यावर्षी 75 कोटी रुपयांचा कर भरला आहे.
सर्वाधिक कर भरणारे सेलिब्रिटी कोण?
80 कोटींचा कर भरणारा साऊथचा सुपरस्टार थलपथी विजय या यादीत दुसऱ्या क्रमांकावर आहे. या यादीत शाहरुख खान 92 कोटींचा कर भरून पहिल्या क्रमांकावर आहे. या यादीत बिग बी अमिताभ बच्चन 71 कोटींचा कर भरून चौथ्या स्थानावर आहेत, तर अजय देवगण 42 कोटींचा कर भरून पाचव्या स्थानावर आहेत. 'अॅनिमल' सारखा बंपर हिट चित्रपट देणाऱ्या रणबीर कपूरनं यावर्षी 36 कोटींचा कर भरला आहे.
हृतिक रोशननं यावर्षी 28 कोटी रुपयांचा कर भरला असून तो या यादीत सातव्या क्रमांकावर आहे. कॉमेडी किंग कपिल शर्माचाही सर्वाधिक कर भरणाऱ्या सेलिब्रिटींच्या यादीत समावेश आहे. कपिल शर्माने यावर्षी 26 कोटी रुपयांचा कर भरला आहे.
दरम्यान, सलमान खानच्या वर्क फ्रंटबद्दल बोलायचे झाले तर, सलमान खान सध्या बिग बॉस 18 होस्ट करताना दिसत आहे. याशिवाय तो 'सिकंदर' या चित्रपटाचं शूटिंगही करत आहे, ज्याचं पहिले पोस्टर काही दिवसांपूर्वी रिलीज झालं होतं.
बिश्नोई गँगच्या निशाण्यावर सलमान
काही दिवसांपूर्वी सलमान खानचे घनिष्ट मित्र आणि माजी राज्यमंत्री बाबा सिद्दिकी यांची गोळ्या झाडून हत्या करण्यात आली. तेव्हापासूनच सलमान खान चर्चेत आला आहे. सध्या बिश्नोई गँगच्या निशाण्यावर असलेला सलमान खान भलताच चर्चेत आहे. सलमानच्या काळविट शिकार प्रकरणामुळे काळविटाला परमेश्वर मानणारं, त्याची पूजा करणारा बिश्नोई समाज त्याच्यावर नाराज आहे. याच कारणामुळे तो सध्या बिश्नोई गँगच्या निशाण्यावर आला आहे.
महत्त्वाच्या इतर बातम्या :
क्लायमॅक्समध्ये मोठा ट्वीस्ट, संपूर्ण फिल्ममध्ये भरभरुन सस्पेन्स; शेवटच्या 5 मिनिटांत हादरुन जाल
महत्त्वाच्या बातम्या
ट्रेंडिंग न्यूज
