Ind Vs Pak Score CT 2025 : टीम इंडियाचा पाकिस्तानवर धमाकेदार विजय! थेट गाठली सेमीफायनल... किंग कोहलीने ठोकले शतक
India Vs Pakistan Score Update Champions Trophy 2025 : क्रिकेटप्रेमींसाठी आज सुपर संडे आहे, कारण चॅम्पियन्स ट्रॉफीमध्ये आज भारत विरुद्ध पाकिस्तान हा सुपरहिट मुकाबला होणार आहे.
LIVE
Background
टीम इंडियाचा पाकिस्तानवर धमाकेदार विजय! थेट गाठली सेमीफायनल... किंग कोहलीने ठोकले शतक
भारताने पाकिस्तानचा सहा विकेट्सनी पराभव केला आहे. नाणेफेक जिंकून प्रथम फलंदाजी केल्यानंतर पाकिस्तानचा संघ 49.4 षटकांत 241 धावांवर आटोपला. प्रत्युत्तरात, भारताने 42.3 षटकांत चार गडी गमावून लक्ष्य गाठले.
Ind Vs Pak Live Score CT 2025 : रोमांचक मोडवर सामना! कोहली-अय्यरने पाकिस्तानला धू-धू धुतले
35 षटकांनंतर भारताने दोन विकेट गमावून 189 धावा केल्या. सध्या विराट कोहली 71 आणि श्रेयस अय्यर 48 धावांवर खेळत आहेत. दोघांमध्ये आतापर्यंत 75 धावांची भागीदारी झाली आहे. श्रेयसही आता मोकळेपणाने फलंदाजी करत आहे. त्याने चार चौकार आणि एक षटकार मारला आहे. भारताला आता 67 धावांची गरज आहे.
Ind Vs Pak Live Score CT 2025 : कोहलीचे अर्धशतक
कोहलीने त्याच्या एकदिवसीय कारकिर्दीतील 74वे अर्धशतक 62 चेंडूत पूर्ण केले. 27 व्या षटकात नसीम शाहच्या गोलंदाजीवर चौकार मारून त्याने आपले अर्धशतक पूर्ण केले. सध्या श्रेयस अय्यर कोहलीसोबत क्रीजवर आहे. दोघांमध्ये 30+ धावांची भागीदारी झाली आहे. 37 षटकांनंतर भारताची धावसंख्या 136/2 आहे. कोहली 53 धावांसह आणि श्रेयस 14 धावांसह खेळत आहे. टीम इंडियाला विजयासाठी आता 106 धावांची आवश्यकता आहे.
टीम इंडियाला मोठा धक्का! फिरकीच्या जाळ्यात फसला शुभमन गिल
भारताला 18 व्या षटकात 100 धावसंख्येवर दुसरा धक्का बसला आहे. फिरकी गोलंदाज अबरार अहमदने शुभमन गिलला क्लीन बोल्ड केले. तो 52 चेंडूत 7 चौकारांसह फक्त 46 धावा करू शकला. 18 षटकांनंतर भारताची 2 बाद 102 धावा. सध्या विराट कोहली आणि श्रेयस अय्यर क्रीजवर आहेत. कोहली आणि गिलमध्ये 69 धावांची भागीदारी झाली.
टीम इंडियाला मोठा धक्का! आफ्रिदीने पुन्हा केली रोहितची शिकार, 15 चेंडूत इतक्या धावा करून आऊट
भारताला पहिला धक्का पाचव्या षटकात 31 धावांवर असताना बसला आहे. शाहीन आफ्रिदीने पुन्हा एकदा रोहितला फुलर लेन्थ बॉलने क्लीन बोल्ड केले. 2021 च्या टी-20 वर्ल्ड कपमध्ये शाहीनने रोहितला असेच आऊट केले होते. सध्या शुभमन गिल आणि विराट कोहली क्रीजवर आहेत.
महत्त्वाच्या बातम्या
ट्रेंडिंग न्यूज
