Hardik Pandya : रशियन मॉडेल अन् हार्दिक पाड्यांचं नातं काय? अखेर तिनेच गुपित उलगडलं; म्हणाली "मी त्याला डेट..."

Hardik Pandya Relationship: नताशा स्टॅनकोविक हिच्यासोबत हार्दिक पांड्याच्या घटस्फोटाच्या चर्चा सुरु असताना रशियन मॉडेलनं शेअर केलेले फोटो चर्चेत आहेत.

हार्दिक पांड्या एलेना टुटेजा

Source : ellenatutteja

नवी दिल्ली : टीम इंडियाच्या टी 20 चा उपकप्तान आणि मुंबई इंडियन्सचा कॅप्टन हार्दिक पांड्या (Hardik Pandya)गेल्या काही दिवसांपासून चर्चेत आहे. हार्दिक पांड्या आणि त्याची पत्नी नताशा स्टॅनकोविक (Natasa Stankovic)यांच्यातील कथित घटस्फोटाच्या चर्चा गेल्या काही दिवसांपासून सुरु आहेत. हार्दिक पांड्या असो किंवा नताशा स्टॅनकोविक असो दोघांनी देखील या चर्चांवर भाष्य केलेलं नाही. टीम इंडियानं दक्षिण आफ्रिकेचा टी 20 वर्ल्ड कपच्या फायनलमध्ये 7 धावांनी पराभव करत विजेतेपद मिळवलं होतं. या विजयानंतर हार्दिक पांड्याचे एका फोटोशूटचे फोटो व्हायरल होत आहेत. रशियन मॉडेल एलेना टुटेजा (Elena Tuteja)आणि हार्दिक पांड्यानं मागील काळात एका ब्रँड साठी फोटोशूट केलं होतं. भारतानं वर्ल्ड कप विजेतेपद मिळवल्यानंतर एलेना टुटेजानं हार्दिक सोबतचे फोटो शेअर करत पोस्ट केली होती. त्या फोटोंवरुन तर्क वितर्क सुरु झाले होते. 

एलेना टुटेजानं सोशल मीडियावर पोस्ट शेअर करत हार्दिक पांड्याचं अभिनंदन केलं होतं. हार्दिक पांड्या आणि एलेना टुटेजा यांनी बोल्ड अंदाजात फोटोशूट केलं होतं.  हे फोटो व्हायरल होताच हार्दिक पांड्या आणि एलेना टुटेज हे दोघे रिलेशनमध्ये असल्याच्या चर्चा सुरु झाल्या होत्या. मात्र, रशियन मॉडेल एलेना या सर्व गोष्टींवर स्पष्टीकरण दिलं आहे.  

एलेना टुटेजाच्या पोस्टमध्ये काय होतं? 

भारतानं टी 20 वर्ल्ड कप जिंकल्यानंतर एलेना टुटेजानं हिनं इन्स्टाग्रामवर एक पोस्ट केली होती. त्या पोस्टमध्ये तिनं भारतीय संघाला वर्ल्ड कप विजयासाठी शुभेच्छा दिल्या होत्या. संपूर्ण भारत आपल्या चॅम्पियन टीम वर अभिमान व्यक्त करत आहे, अशावेळी मला एका खेळाडूसोबत केलेल्या फोटोशूटची आठवण येते. आम्ही Body X या ब्रँडसाठी फोटोशूट केलं होतं. भारतीय संघासोबत हार्दिक पांड्यानं देखील आपल्या देशाचं नाव उज्ज्वल केल्याचं एलेना टुटेजानं म्हटलं.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Elena Tuteja Official (@ellenatutteja_official)

एलेना टुटेजानं अफवा फेटाळल्या

एलेना टुटेजा आणि हार्दिक पांड्या एकमेकांना डेट करत असल्याच्या चर्चा सुरु झाल्या होत्या. या सर्व अफवांना एलेना टुटेजानेच ब्रेक लावला आहे. वेस्ट इंडिजचे महान खेळाडू ब्रायन लारा यांना भेटल्याचे फोटो तिनं शेअर केले आहेत. तुम्हाला हे फोटो देखील फोटोशॉप वाटू शकतात.  मात्र, हे फोटो असो की हार्दिक पांड्या सोबतचे फोटो फोटोशॉप नाहीत ते खरे आहेत.सर्व फोटो खरे असून कुणालाही डेट करत नाही, लोकप्रिय लोकांसोबत काम करु लागलीय, असं एलेना टुटेजानं म्हटलं.  

संबंधित बातम्या :