भारतानं केला नवीन विक्रम! चहा निर्यातीत जगातील दुसरा सर्वात मोठा देश, 'या' देशाला टाकलं मागे
भारताने 2024 मध्ये 255 दशलक्ष किलो चहाची निर्यात केली आहे. यासह भारत श्रीलंकेला मागे टाकून जगातील दुसरा सर्वात मोठा चहा निर्यातदार बनला आहे.
India Tea Exporter: भारताने 2024 मध्ये 255 दशलक्ष किलो चहाची निर्यात (India Tea Exporter) केली आहे. यासह भारत श्रीलंकेला मागे टाकून जगातील दुसरा सर्वात मोठा चहा निर्यातदार बनला आहे. या क्रमवारीत केनियाने आपले अव्वल स्थान कायम राखले आहे. भू-राजकीय तणावामुळे जागतिक बाजारपेठेत अनिश्चितता असूनही, भारताची चहाची निर्यात 2024 मध्ये 255 दशलक्ष किलोग्रॅमपर्यंत पोहोचेल, जी 10 वर्षातील उच्चांकी आहे. 2023 मध्ये नोंदवलेल्या 231.69 दशलक्ष किलोग्रॅमच्या याच आकड्यावरून 2024 मध्ये देशाच्या निर्यातीत 10 टक्के वाढ झाली आहे. भारतीय चहा मंडळाने याबाबतची आकडेवारी जारी केली आहे.
पश्चिम आशियातील अनेक बाजारपेठांमध्ये प्रवेश
भारताच्या निर्यातीचे मूल्य 2023 मधील 6,161 कोटी रुपयांवरुन 2024 मध्ये 7,111 कोटी रुपयांपर्यंत 15 टक्क्यांनी वाढले आहे. इराकमध्ये शिपमेंटमध्ये जोरदार वाढ झाली आहे, ज्याचा वाटा 20 टक्के चहा निर्यातीत आहे. या आर्थिक वर्षात व्यापाऱ्यांनी पश्चिम आशियाई देशात 40-50 दशलक्ष किलोग्राम चहा पाठवण्याची अपेक्षा आहे. ते म्हणाले की, श्रीलंकेचे पीक घटले तेव्हा पश्चिम आशियातील अनेक बाजारपेठांमध्ये प्रवेश करणाऱ्या भारतीय निर्यातदारांनी तेथे माल पाठवण्याचे प्रमाण राखले आहे. जाणून घेऊयात याबाबतची सविस्तर माहिती.
अमेरिका आणि ब्रिटन प्रमुख बाजारपेठ
भारत 25 हून अधिक देशांमध्ये चहाची निर्यात करतो, त्यापैकी UAE, इराक, इराण, रशिया, USA आणि UK ही त्याची प्रमुख बाजारपेठ आहेत. भारत हा जगातील पहिल्या पाच चहा निर्यातदारांपैकी एक आहे. जो एकूण जागतिक निर्यातीपैकी 10 टक्के आहे. भारतातील आसाम, दार्जिलिंग आणि निलगिरी चहा हे जगातील सर्वोत्तम चहा मानले जातात. भारतातून निर्यात होणारा बहुतांश चहा 'ब्लॅक टी' (काळा चहा) आहे, जो एकूण निर्यातीच्या सुमारे 96 टक्के आहे.
चहा, ग्रीन टी, हर्बल टी, मसाला टी
इतर प्रकारांमध्ये नियमित चहा, ग्रीन टी, हर्बल टी, मसाला चहा आणि लिंबू चहा यांचा समावेश होतो. चहा उत्पादनाला चालना देण्यासाठी, भारतीय चहासाठी एक विशिष्ट ब्रँड तयार करण्यासाठी आणि चहा उद्योगाशी संबंधित कुटुंबांचे कल्याण सुनिश्चित करण्यासाठी भारताने अनेक पावले उचलली आहेत. आसाम व्हॅली आणि कचार हे आसामचे दोन चहा उत्पादक प्रदेश आहेत. पश्चिम बंगालमध्ये डूअर्स, तराई आणि दार्जिलिंग हे तीन प्रमुख चहा उत्पादक प्रदेश आहेत.
महत्वाच्या बातम्या:
Success Story: बँकेतली नोकरी सोडली, सोलापूरच्या पल्लवी गुळाच्या चहाचं प्रीमिक्स विकून महिन्याला 5 लाख कमवतात, काय आहे यांची गोष्ट? वाचा
महत्त्वाच्या बातम्या
