Russia-Ukraine war : युक्रेन हल्ल्यात रशियाचे अण्वस्त्र प्रमुख ठार; इलेक्ट्रिक स्कूटरमध्ये 300 ग्रॅम टीएनटी पेरून हत्या! चार महिन्यात तीन रशियन अधिकाऱ्यांच्या हत्या
Russia-Ukraine war : स्फोटासाठी 300 ग्रॅम टीएनटी वापरण्यात आल्याचे रशियाच्या तपास संस्थेने म्हटले आहे. एजन्सीने खुनाचा गुन्हा दाखल करून तपास सुरू केला आहे.
Russia-Ukraine war : रशियाचे अण्वस्त्र प्रमुख इगोर किरिलोव्ह यांचा मंगळवारी मॉस्कोमध्ये झालेल्या स्फोटात मृत्यू झाला. रिपोर्टनुसार, जनरल किरिलोव्ह अपार्टमेंटमधून बाहेर पडत असताना शेजारी पार्क केलेल्या स्कूटरचा स्फोट झाला. यामध्ये किरिलोव्हसोबत त्यांचा सहाय्यकही मारला गेला. मॉस्कोमधील क्रेमलिन या राष्ट्रपती भवनापासून अवघ्या 7 किमी अंतरावर स्फोट झाला. स्फोटासाठी 300 ग्रॅम टीएनटी वापरण्यात आल्याचे रशियाच्या तपास संस्थेने म्हटले आहे. एजन्सीने खुनाचा गुन्हा दाखल करून तपास सुरू केला आहे. वृत्तसंस्था रॉयटर्सने युक्रेनच्या अधिकाऱ्यांच्या हवाल्याने म्हटले आहे की, किरिलोव्ह यांची हत्या युक्रेननेच केली आहे. मीडिया रिपोर्ट्सनुसार, युक्रेनच्या सिक्युरिटी सर्व्हिस एजन्सी (एसबीयू) शी संबंधित एका सूत्राने याची जबाबदारी घेतली आहे. किरिलोव्ह यांना एप्रिल 2017 मध्ये न्यूक्लियर फोर्सेसचे प्रमुख बनवण्यात आले. ते रशियाच्या रेडिएशन, रासायनिक आणि जैविक शस्त्रे विभागाचे प्रमुख होते.
स्फोटामुळे चौथ्या मजल्यापर्यंतच्या खिडक्यांच्या काचा फुटल्या
स्फोट इतका जोरदार होता की इमारतीच्या चौथ्या मजल्यापर्यंतच्या खिडक्यांच्या काचा फुटल्या. UN टूलनुसार, 17 मीटर (55 फूट) अंतरावर असलेली काचेची खिडकी देखील 300 ग्रॅम TNT स्फोटकांनी फोडली जाऊ शकते. याशिवाय या स्फोटक स्फोटात 1.3 मीटर अंतरावरील घरालाही हानी पोहोचवू शकते.
चार महिन्यात तीन अधिकाऱ्यांच्या हत्या
किरिलोव्ह यांच्या मृत्यूनंतर रशियाच्या संसदेच्या उपसभापतींनी त्यांच्या हत्येचा नक्कीच बदला घेतला जाईल असे म्हटले आहे. किरिलोव्ह हे गेल्या 4 महिन्यांत शत्रूंना बळी पडलेले तिसरे वरिष्ठ रशियन अधिकारी आहेत. यापूर्वी रशियन क्षेपणास्त्र तज्ञ मिखाईल शॅटस्की यांची गोळ्या झाडून हत्या करण्यात आली. युक्रेनवर डागलेल्या रशियन क्षेपणास्त्रांचे आधुनिकीकरण करण्यात शॅटस्की यांचा सहभाग होता. तीन अडीच महिन्यांपूर्वी मॉस्कोचे कोलिमा शहर ड्रोन विशेषज्ञ कर्नल ॲलेक्सी कोलोमेयेत्सेव्ह मॉस्कोमध्ये मृतावस्थेत आढळले. रशियन सैन्याला ड्रोन तज्ञ बनण्यासाठी प्रशिक्षण देण्यासाठी कोलोमेत्सेव्ह प्रसिद्ध होते.
युक्रेनवर ऑक्टोबर 2024 मध्ये डर्टी बॉम्ब बनवण्याचा आरोप
युक्रेनवर ऑक्टोबर 2024 मध्ये डर्टी बॉम्ब बनवण्याचा आरोप होता. डर्टी बॉम्ब बनवण्यासाठी किरणोत्सारी पदार्थाचा वापर केला जातो. त्यांना बनवण्याचा खर्चही कमी आहे. यापूर्वी 2018 मध्ये त्यांनी अमेरिकेवर रशिया आणि चीन सीमेजवळ जॉर्जियामध्ये गुप्त जैविक शस्त्र प्रयोगशाळा चालवल्याचा आरोपही केला होता. या वर्षी अमेरिकेने रशियावर युक्रेनमध्ये रासायनिक अस्त्रांचा वापर केल्याचा आरोप केला होता. प्रत्युत्तरात किरिलोव्ह म्हणाले होते की रशियाने सप्टेंबर 2017 मध्ये आपली सर्व रासायनिक शस्त्रे निर्धारित वेळेपूर्वी नष्ट केली होती. तर अमेरिकेने हे काम 2023 मध्ये केले. दुसरीकडे, युक्रेन सिक्युरिटी सर्व्हिसेस (एसबीयू) ने दावा केला आहे की रशियाने सुमारे 5,000 वेळा रासायनिक अस्त्रांचा वापर केला आहे. यापैकी केवळ या वर्षी मे महिन्यात त्यांचा 700 हून अधिक वेळा वापर करण्यात आला.
इतर महत्वाच्या बातम्या
महत्त्वाच्या बातम्या
