Pooja Khedkar Update : खरंच घटस्फोट का अधिकारी बनण्यासाठी नाटक? पूजा खेडकरच्या आई वडिलांच्या घटस्फोटासंदर्भात तपासाचा अहवाल केंद्रकडे सादर
Pooja Khedkar Update : पूजा खेडकरची आई मनोरमा खेडकर आणि वडिव दिलीप खेडकर यांच्या वैवाहिक संबधाबाबतचा तपास करून त्याचा अहवाल पुणे पोलिसांनी केंद्र सरकारला सादर केला आहे.
Pooja Khedkar Update : राज्यात चर्चेत असलेली वादग्रस्त ट्रेनी आयएएस अधिकारी पूजा खेडकर (Pooja Khedkar) आणि तिच्या कुटुंबियांच्या अडचणी वाढताना दिसत आहेत. पूजा खेडकरची आई मनोरमा खेडकर आणि वडिव दिलीप खेडकर यांच्या वैवाहिक संबधाबाबतचा तपास करून त्याचा अहवाल पुणे पोलिसांनी केंद्र सरकारला सादर केला आहे. त्यानंतर आता केंद्र सरकार पूजा खेडकरने (Pooja Khedkar) आयएएस होण्यासाठी सादर केलेल्या नॉन-क्रीमी लेयर सर्टिफिकेट वैध ठरवायचं की नाही याबाबत निर्णय घेण्याची शक्यता आहे. पूजा खेडकरने आयएएस होण्यासाठी ओबीसी आरक्षणाचा लाभ घेतण्यासाठी नॉन-क्रीमी लेयर सर्टिफिकेट सादर केलं होतं. त्यासाठी पूजा खेडकरने (Pooja Khedkar) तिच्या आई-वडिलांचा घटस्फोट झाल्याचा दावा केला होता.
मात्र, २०२४मध्ये लोकसभा निवडणूक लढवताना सादर केलेल्या शपथपत्रात दिलीप खेडकर (Pooja Khedkar) यांनी मनोरमा खेडकरचा उल्लेख पत्नी म्हणून केला होता. पुणे पोलिसांनी याचा अहवाल केंद्राला पाठवला आहे. तर दुसरीकडे पूजा खेडकर (Pooja Khedkar) आणि दिलीप खेडकर (Dilip Khedkar) गायब आहेत. वाशिमवरून पूजा खेडकर (Pooja Khedkar) कुठे गेली हे अद्याप स्पष्ट झालेलं नाही.
पूजा खेडकर (Pooja Khedkar) हिच्या आई-वडिलांच्या घटस्फोटाबाबतचा अहवाल पुणे पोलिसांनी केंद्राला पाठवला. दरम्यान खेडकर दाम्पत्याचा घटस्फोट २०१० मध्ये झाला असला तरी त्यांच्यावरती अनेक प्रश्न उपस्थित होत आहेत. या प्रकरणामध्ये पुणे पोलिसांनी चौकशी करून महत्त्वाच्या व्यक्तींचे जबाब अहवालात नोंदवले आहेत. केंद्र शासनाकडून घटस्फोटासंदर्भात अहवाल मागवण्यात आला होता. पूजा खेडकर (Pooja Khedkar) हिने यूपीएससीच्या निवड प्रक्रियेमध्ये कमी उत्पन्न दाखवण्याचा प्रयत्न केला असण्याची शक्यता वर्तवली जात आहे.
भारत सरकारने राज्य सरकारला खेडकर (Pooja Khedkar) दाम्पत्याचा घटस्फोट झाला आहे का? या बाबतचा सविस्तर अहवाल सादर करण्याचे आदेश देण्यात आलेले होते. पुणे पोलिसांनी याबाबतीतील अहवाल भारत सरकारला पाठवला आहे. त्यामध्ये दोघांचा घटस्फोट संमत्तीने २०१० साली झाला. घटस्फोटानंतरचे त्यांचे वागणे संशयास्पद असल्याचे पुणे समोर आले असल्याची माहिती आहे.
पूजा खेडकरच्या (Pooja Khedkar) कुटुंबीयांचे उत्पन्न कोटींमध्ये असल्याचे समोर आले होते. नॉनक्रीमीलिअरबाबत विशिष्ट उत्पन्नाची अट आहे. मात्र, पूजाचे वडील हे क्लास वन अधिकारी म्हणून कार्यरत होते. असे असताना त्यांचे उत्पन्न कमी कसे, असा प्रश्न उपस्थित निर्माण झाला होता. या प्रमाणपत्राच्या अनुषंगाने तिने आई-वडिलांचा घटस्फोट झाल्याचे आयोगाला सांगत पद मिळवले होते. पूजा खेडकर (Pooja Khedkar) हिची आई मनोरमा खेडकर आणि वडील दिलीप खेडकर यांचा खरंच घटस्फोट झाला होता का, घटस्फोट फक्त पूजाला अधिकारी बनवण्यासाठी करण्यात आला, हे प्रश्न उपस्थित झाले आहेत. त्यावरील अहवाल पुणे पोलिसांनी पाठवला आहे.
VIDEO- Pooja Khedkar Update : पूजा खेडकरच्या आई वडिलांच्या घटस्फोटासंदर्भात तपासाचा अहवाल सादर
महत्त्वाच्या बातम्या
ट्रेंडिंग न्यूज
