Breaking News LIVE Updates : माजी मुख्य सचिव कुंटे यांच्या खुलाशावर भाजप नेते सुधीर मुनगंटीवार यांची प्रतिक्रिया

Maharashtra Breaking News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra Breaking News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

१. मुंबईत मालमत्ता कराच्या थकबाकीदारांना पालिकेकडून २१ दिवसांची मुदत, थकबाकी न भरल्यास मालमत्ता जप्त होणार, मार्च अखेरपर्यंत सुमारे दीड हजार कोटी वसुलीचे उद्दिष्ट

२. सुपरमार्केटमध्ये वाईनविक्रीचा निर्णय आणि नाईट लाईफच्या संकल्पनेवरुन संभाजी भिडेंची आगपाखड,  तर लिव्ह इन रिलेशनशिपबाबतच्या निर्णयावरुन चक्क न्यायमूर्तींबाबत आक्षेपार्ह वक्तव्य

३. एन. डी. पाटलांच्या निधनानंतर अंधश्रद्धा निर्मुलन समितीतला अंतर्गत वाद चव्हाट्यावर, हमीद आणि मुक्ता दाभोलकरांनी ७ कोटींचा ट्रस्ट ताब्यात घेतल्याचा अविनाश पाटलांचा आरोप

डॉक्टर नरेंद्र दाभोलकर यांच्या हत्येनंतर महाराष्ट्र अंधश्रद्धा निर्मूलन समितीमधे पडलेली फुट अधिकच मोठी होताना दिसतेय.  डॉक्टर नरेंद्र दाभोलकर यांच्या हत्येनंतर कार्याध्यक्ष अविनाश पाटील यांनी नरेंद्र दाभोलकर यांच्या कुटुंबीयांच्या समितीत सक्रिय होण्यास आक्षेप घेतला आहे. त्यामुळे महाराष्ट्र अंधश्रद्धा निर्मूलन समितीमध्ये दोन गट पडले आहेत. एक गट डॉक्टर हमीद दाभोलकर आणि मुक्ता दाभोलकर यांच्या सोबत काम करतोय तर दुसरा गट अविनाश पाटील यांच्या सोबत काम करतोय. नुकतेच एन डी पाटील यांचे निधन झाल्यावर या दोन गटातील वाद पुन्हा उफाळून आलाय.  एन डी पाटील हे महाराष्ट्र अंधश्रद्धा निर्मूलन समितीचे संस्थापक अध्यक्ष होते.  त्यांच्या जागेवर एन डी पाटील यांच्या पत्नी सरोज पाटील यांची निवड करण्याचा निर्णय हमीद आणि मुक्ता दाभोलकर  गटाने घेतला.  मात्र अविनाश पाटील यांनी याला आक्षेप घेतलाय. येत्या जून महिन्यात संस्थेच्या कार्यकारिणीत याबद्दल निर्णय घेण्यात येईल असं अविनाश पाटील यांनी पत्रक काढून म्हटलंय. त्याचबरोबर हमीद आणि मुक्ता दाभोलकर यांनी महाराष्ट्र अंधश्रद्धा निर्मूलन समितीच्या सात कोटी रुपयांची मालमत्ता असलेल्या ट्रस्टवर अवैधरित्या ताबा मिळवल्याचा आरोप  अविनाश पाटील यांनी केलाय. त्याचबरोबर नरेंद्र दाभोलकरांच्या कुटुंबीयांवर घराणेशाहीचा आरोपही त्यांनी केलाय. यावर अद्याप हमीद आणि मुक्ता दाभोलकर यांच्याकडून मात्र काही प्रतिक्रिया आलेली नाही. दोन्ही 

४. तूर्तास मास्कमुक्त महाराष्ट्राचा गैरसमज डोक्यातून काढून टाका, कोरोनापासून वाचण्यासाठी मास्कच मोठं हत्यार असल्याचं आदित्य ठाकरेंचं मत

५. दहावी आणि बारावीच्या परीक्षा एप्रिल महिन्यात घ्या, शिक्षण राज्यमंत्री बच्चू कडू यांची सूचना, परीक्षेआधी लसीकरण पूर्ण करण्याचीही विनंती

६. मध्य प्रदेशातील भिंडमध्ये सिंध नदीत नौका बुडाली, १२ पैकी १० जणांना वाचवण्यात यश, दोन लहान मुलांचा शोध सुरु

 मध्य प्रदेशातल्या भिंड जिल्ह्यातून वाहणाऱ्या सिंध नदीत एक नौका बुडाली.. दुर्घटनेवेळी बोटीत १२ जण होते. त्यापैकी १० जणांना वाचवण्यात आलंय. मात्र दोन लहान मुलं अजूनही बेपत्ता आहेत..या दुर्घटनेची काही दृश्य इतर बोटीतल्या उपस्थितांच्या मोबाईल कॅमेऱ्यात कैद झाली आहे..
 
७. बेस्टच्या ताब्यात लवकरच नव्या रुपातल्या ९०० डबलडेकर इलेक्ट्रिक एसी बसेस येणार, मुंबईकरांचा प्रवास गारेगार आणि आणखी सुकर होणार
 

19:48 PM (IST)  •  29 Jan 2022

विरोधी पक्षाकडे कोणतेही मुद्दे राहिलेले नाहीत म्हणून वाईन विक्रीला विरोध- थोरात

अहमदनगर - वाईन आणि दारू यात फरक आहे, विरोधी पक्षाकडे कोणतेही मुद्दे राहिलेले नाहीत म्हणून ते वाईन विक्रीला विरोध करत आहेत असं राज्याचे महसूलमंत्री बाळासाहेब थोरात यांनी म्हटले आहे...नाशिक जिल्ह्यात मोठ्या प्रमाणावर शेतकऱ्यांनी वाईनचे कारखाने सुरू केलेत, त्यांच्या मालाला बाजारपेठ मिळावी अशी आमची भावना आहे...त्यामुळे विरोध करायचा म्हणून करू नये असं थोरात म्हणाले...

तर, मंत्रिमंडळाच्या बैठकीत मास्क मुक्त महाराष्ट्र विषयावर चर्चा झाली की नाही याबाबत राज्य सरकारमधील दोन मंत्र्यांची वेगवेगळी प्रतिक्रिया आल्याबद्दल विचारले असता त्यांनी म्हटलंय की, मंत्रीमंडळ बैठकीत सर्वच विषयांवर चर्चा होत असते...परदेशात काही ठिकाणी मास्क वापरला नाही तरी चालेल असं सांगितलं जातं , त्यांचं ऐकुन आपल्या जीविताला धोका निर्माण करून घेऊ नका असं माझं मतं आहे असं म्हणत थोरात यांनी मुख्य प्रश्नाला बगल दिली...

19:47 PM (IST)  •  29 Jan 2022

जळगाव - गिरीश महाजन यांच्य सह चारशे कार्यकर्त्यांच्या विरोधात जामनेर पोलीस ठाण्यात गुन्हा

कोरोनाचा पार्श्वभूमीवर विविध निर्बंध लागू असतांना ही शेतकरी प्रश्नावर भाजप तर्फे गिरीश महाजन यांच्या नेतृत्वात मोर्च्या काढण्यात आला होता,जमाव बंदी आणि जिल्हाधिकाऱ्यांच्या आदेशच उल्लंघन केल्या प्रकरणी गिरीश महाजन यांच्या सह चारशे कार्यकर्त्यांच्या विरोधात जामनेर पोलिसात गुन्हा दाखल करण्यात आल्याने खळबळ उडाली आहे.

 शेतकरी वीज कनेक्शन पूर्ववत करण्यात यावे या मागणी साठी भाजप तर्फे जळगाव जिल्ह्यतील जामनेर येथे भव्य मोरच्याचे आयोजन करण्यात आले होते

विविध निर्बंध लागू असतांना,जिल्हाधिकाऱ्यांच्या आदेशाच उलनघन करीत  विना परवानगी मोर्च्या काढल्या प्रकरणी  भाजप नेते गिरीश महाजन यांच्या सह चारशे आंदोकाच्या विरोधात जामनेर पोलीस ठाण्यात गुन्हा दाखल करण्यात आला आहे.

19:43 PM (IST)  •  29 Jan 2022

माजी मुख्य सचिव कुंटे यांच्या खुलाशावर भाजप नेते सुधीर मुनगंटीवार यांची प्रतिक्रिया

माजी मुख्य सचिव सीताराम कुंटे यांनी अनिल देशमुख प्रकरणी केलेल्या खुलाशावर भाजप नेते सुधीर मुनगंटीवार यांनी प्रतिक्रिया दिली आहे. सत्य केव्हा तरी बाहेर येतेच हे त्यांनी स्पष्ट केले. न्यायाधीश या सर्व पुराव्यांवर आधारलेला निर्णय देतील अशी अपेक्षा त्यांनी व्यक्त केली.

 

19:39 PM (IST)  •  29 Jan 2022

पेंग्विनवरुन पुन्हा राजकारण तापणार...

मुंबईत राणी बागेतील कंत्राटे आणि पेंग्विनकरता होणा-या खर्तावरुन भाजपनं टीकेची झोड उठवली होती...मात्र, मुंबईच्या महापौर किशोरी पेडणेकर यांनी स्वत: अहमदाबादेतील सायन्स सेंटरच्या पेंग्विन कक्षाला भेट देऊन अनेक महत्वाचे मुद्दे समोर आणलेत. राणीबागेतील पेंग्विन पहाण्याचा  तिकीटदर २५ ते ५० रुपये तर अहमदाबादेतील पेंग्विन पहाण्याकरता ३०० रुपये मोजावे लागतात. त्यामुळे आता राणीबागेचे पेंग्विन आणि अहमदाबादेचे पेंग्विन अशी तुलना सुरु झाली आहे. 

महाराष्ट्राची राजधानी मुंबईनंतर आता शेजारचं राज्य गुजरातमध्ये (अहमदाबाद) देखील पेंग्विन पार्क तयार करण्यात आले आहे.
अहमदाबाद ,गुजरात या ठिकाणी एकूण ५ अफ्रिकन पेंग्विन आहेत. त्यांची नावं सिमोन, पुंबा, नेमो, मुशू आणि स्वेन अशी आहेत. pic.twitter.com/SutGKytVwC

— Kishori Pednekar (@KishoriPednekar) January 29, 2022

18:26 PM (IST)  •  29 Jan 2022

आमदार ऋतुराज पाटील यांना कोरोनाची लागण

आमदार ऋतुराज पाटील यांना कोरोनाची लागण झाली आहे. त्यांनी ट्विट करत याबाबतची माहिती दिली आहे. नुकतीच माझी कोविड टेस्ट पॉझिटिव्ह आली आहे. सध्या मी डॉक्टरांच्या सल्ल्यानुसार घरीच उपचार घेत आहे. माझी प्रकृती चांगली आहे. कोरोनावर मात करून मी लवकरच आपल्या सेवेत रुजू होईन. काळजी घ्या, सुरक्षित रहा, असे ट्वीट आमदार ऋतुराज पाटील यांनी केलेय.