Health Tips : साधारण 35 टक्के लहान मुलांमध्ये फॅटी लिव्हर आजाराचा वाढता धोका; AIIMS अभ्यासातून धक्कादायक खुलासा

Health Tips : 38 टक्के भारतीय नॉन-अल्कोहोलिक फॅटी लिव्हर रोगाने ग्रस्त आहेत.

Health Tips

Health Tips : यकृत हा शरीरातील सर्वात महत्त्वाचा अवयव आहे. यकृतामध्ये समस्या असल्यास संपूर्ण शरीराला त्याचा त्रास होतो. त्यातही जर मुलाचे यकृत खराब होऊ लागले तर संपूर्ण आयुष्य धोक्यात येते. ऑल इंडिया इन्स्टिट्यूट ऑफ मेडिकल सायन्सेस (एम्स)अलीकडेच, एका अभ्यासात दावा करण्यात आला आहे की, 38 टक्के भारतीय नॉन-अल्कोहोलिक फॅटी लिव्हर रोगाने ग्रस्त आहेत. या अभ्यासातून एक चिंतेची बाब समोर आली आहे. या अभ्यासात असे आढळून आले आहे की, 35 टक्के मुले फॅटी लिव्हरच्या आजाराला बळी पडतात. डॉक्टरांच्या म्हणण्यानुसार, सर्वात आश्‍चर्यकारक बाब म्हणजे अशाप्रकारे मुलांचे यकृत खराब होण्यामागे कोणतेही बाह्य कारण नसून मुलं घरून टिफिनमध्ये जे अनहेल्दी पदार्थ खात आहेत ते कारणीभूत आहेत. एम्सचा हा अभ्यास 'जर्नल ऑफ क्लिनिकल अँड एक्सपेरिमेंटल हेपॅटोलॉजी'मध्ये प्रकाशित झाला आहे. 

नॉन-अल्कोहोलिक फॅटी यकृत रोगाची कारणे

'इंडियन एक्स्प्रेस'ने एम्सच्या अहवालात म्हटले आहे की, नॉन-अल्कोहोलिक फॅटी लिव्हर डिसीज अनेकदा सुरुवातीच्या टप्प्यात आढळून येत नाहीत. कारण त्याची लक्षणे दिसत नाहीत. वाढत्या काळानुसार हा आजारही वाढू लागतो. पुढे जाऊन ते यकृताशी संबंधित गंभीर आजारांचेही कारण बनते. NAFLD साठी चार कारणे असू शकतात. मधुमेह नियंत्रणात नसेल आणि कोलेस्ट्रॉल किंवा डिस्लिपिडेमिया असेल तर NAFLD होऊ शकतो. याशिवाय वजन वाढले असेल तर जीवनशैलीमुळे फॅटी लिव्हरचे आजार होतात. वाईट जीवनशैलीचे कारण म्हणजे व्यायाम न करणे, अधिक तळलेले आणि प्रक्रिया केलेले अन्न न खाणे, तसेच जास्त गोड आणि लाल मांस न खाणे ही कारणे आहेत.

मुलांमध्ये फॅटी लिव्हरचे आजार का वाढत आहेत

संशोधनानुसार भारतात शहरीकरण झपाट्याने होत आहे. शहरीकरणामुळे लोकांची जीवनशैलीही बदलत चालली आहे. आजकाल लोक इतके व्यस्त आहेत की ते शारीरिक हालचाली करत नाहीत. आजकाल लोक जास्त पॅकेट, प्रक्रिया केलेले आणि जास्त कॅलरी असलेले पदार्थ खातात. त्यामुळे वजन झपाट्याने वाढू लागते. आणि वाढत्या वजनामुळे चयापचयाच्या समस्या सुरू होतात. यामुळेच नॉन-अल्कोहोलिक फॅटी लिव्हर सारखे रोग होतात. आजकाल मुलांच्या आहारात पाश्चात्य पदार्थांचा अधिकाधिक समावेश केला जात आहे. रिफाइंड कार्बोहायड्रेट्स, सॅच्युरेटेड फॅट आणि शर्करायुक्त पेये यामध्ये खूप सामान्य आहेत. हे पदार्थ खाल्ल्याने बाहेर पडणारी वाईट चरबी यकृताच्या आसपासच्या भागात चिकटू लागते. दुसरे सर्वात मोठे कारण म्हणजे मोबाईल, टीव्हीचा अतिवापर हे आहे.

या मुलांना फॅटी लिव्हर आजार होण्याची शक्यता असते

ज्यांच्या कुटुंबात मधुमेह किंवा लठ्ठपणाची समस्या आहे. त्यांना फॅटी लिव्हर रोगाचा धोका वाढतो. कौटुंबिक पार्श्वभूमी आणि अनुवांशिक पूर्वस्थिती देखील या आजारामध्ये महत्त्वाची भूमिका बजावते. सर्वात मोठी गोष्ट म्हणजे आजही फॅटी लिव्हरबद्दल लोकांमध्ये जागरुकता कमी आहे. हा आजार योग्य वेळी आढळून आला तर यावर वेळीच उपचार करता येतात. पण उशिरा आढळल्यास तो दिर्घकालीन आजार बनतो.