Hartalika 2024 : हरतालिकेच्या दिवशी दिसाल परफेक्ट अन् ब्युटिफूल..! सर्वांच्या खिळतील नजरा, जेव्हा 'या' अभिनेत्रींप्रमाणे हिरवी साडी नेसाल
Hartalika 2024 : हरतालिका हा महिलांसाठी विशेष सण आहे, या दिवशी तुम्हालाही खास दिसायचंय, तर अभिनेत्रीकडून हिरव्या साडीसाठी डिझाइन आयडिया घेऊ शकता..
Hartalika 2024 : हरतालिका तृतीया (Hartalika 2024) महिलांसाठी खूप खास आहे. हरतालिका यायच्या एक आठवड्यापूर्वी महिलांची लगबग पाहायला मिळते. साड्या असो.. मेकअप असो किंवा इतर गोष्टी... महिलांना या दिवशी परफेक्ट आणि ब्युटिफूल दिसायचे असते. यंदा हरतालिका तृतीया 6 सप्टेंबर रोजी साजरी केली जाणार आहे. जर तुम्हाला या प्रसंगासाठी सुंदर दिसायचे असेल, सर्वांकडून कौतुक मिळवायचे असेल तर तुम्ही अभिनेत्रीकडून हिरव्या साडीसाठी डिझाइन आयडिया घेऊ शकता, तर चला लुक्सवर एक नजर टाकूया...
सणासुदीच्या प्रसंगी हॅडलूमच्या साड्या छान दिसतात. हरतालिका तृतीयाच्या निमित्ताने तुम्ही हिरव्या रंगाची कांजीवराम किंवा बनारसी साडी निवडू शकता. कलर कॉम्बिनेशनसाठी विद्या बालनच्या या साडीवरून कल्पना घेता येतील. याच्या मदतीने मेकअपपासून ते दागिन्यांपर्यंत अभिनेत्रीसारखा लूक तयार करता येतो.
रॉयल अभिनेत्री म्हणून जिला ओळखले जाते, अशा अदिती राव हैदरीचा प्रत्येक एथनिक लुक शानदार आहे. हरतालिका तृतीयाच्या निमित्ताने, अभिनेत्रीप्रमाणे, तुम्ही सोनेरी आणि मोराच्या हिरव्या रंगात चमकदार फॅब्रिकने बनवलेली गोल्डन वर्क साडी खरेदी करू शकता आणि बनारसी फॅब्रिकच्या ब्लाउजसह कॉम्बिनेशन करू शकता.
या फिकट हिरव्या आणि पिवळ्या रंगाच्या कॉम्बिनेशन शेडेड साडीमध्ये काजोल खूपच सुंदर दिसत आहे. यासोबत अभिनेत्रीने लेस लेसला मॅचिंग गोल्डन ब्लाउज पेअर केला आहे. तिच्या साडीचे फॅब्रिकही वजनाने हलके आहे. जर तुम्हाला खूप तेजस्वी रंग आवडत नसतील तर तुम्ही हरतालिका तीजला या प्रकारची साडी नेसू शकता.
कियारा आडवाणीने कर्व बॉर्डर असलेली हलक्या हिरव्या रंगाची साडी परिधान केली आहे, ज्यावर पांढरे एम्ब्रॉयडरी वर्क आहे. अभिनेत्रीने ते फ्लोरल प्रिंट ब्लाउजसह पेअर केले आहे. हातात बांगड्या आणि कानात झुमके घालून लूक पूर्ण झाला आहे.
मौनी रॉयने गडद हिरव्या रंगाची साडी नेसली आहे जी अगदी साधी आहे. शिफॉन किंवा जॉर्जेट फॅब्रिकमध्येही तुम्ही अशा प्रकारची हलक्या वजनाची साडी घालू शकता. जुळणारे झुमके आणि बांगड्यांसह लुक पूर्ण करा.
हेही वाचा>>
Hartalika 2024 : हरतालिकेचा मुहूर्त, मेहंदीने रंगलेले हात! आणखी गडद रंग हवा, तर 'या' 5 सोप्या टिप्स पाहा
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
ट्रेंडिंग न्यूज
