Telly Masala : सबसे कातील गौतमी पाटीलच्या नव्या गाण्याची सोशल मीडियावर चर्चा ते एकदा येऊन तर बघा चित्रपटाचं अशोक सराफ यांनी केलं कौतुक; जाणून घ्या मनोरंजन विश्वासंबंधित बातम्या...

Telly Masala :  जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Gautami Patil: "दिलाचं पाखरू" नंतर आता "घोटाळा झाला"; सबसे कातील गौतमी पाटीलच्या नव्या गाण्याची सोशल मीडियावर चर्चा

Gautami Patil New Song: नृत्यांगणा  गौतमी पाटील (Gautami Patil)   ही तिच्या अदा आणि तिचा नृत्यानी प्रेक्षकांना घायाळ करते. गौतमी विविध कार्यक्रमांमध्ये डान्स करते. तसेच ती गाण्यांमध्ये देखील डान्स करते. गौतमीची वेगवेगळी गाणी प्रेक्षकांच्या भेटीला येत असतात. काही दिवसांपूर्वी तिचं दिलाचं पाखरू हे गाणं रिलीज झालं होतं. आता तिचं घोटाळा झाला हे गाणं प्रेक्षकांच्या भेटीला आलं आहे. या गाण्यातील गौतमीच्या नृत्यशैलीनं अनेकांचे लक्ष वेधले आहे. तसेच गाण्यातील गौतमीच्या अदा प्रेक्षकांचे लक्ष वेधत आहेत. 

Gunaratna Sadavarte Majha Katta : गुणरत्न सदावर्ते म्हणाले, "माझी आजी खूप सुंदर होती, रश्मिका मंदानासारख्या हिरोईन तिच्या समोर पानी कम चाय"

Gunaratna Sadavarte Majha Katta :  सामाजिक कार्यकर्ते गुणरत्न सदावर्ते (Gunaratna Sadavarte) यांनी एबीपी माझाच्या माझा कट्टा या कार्यक्रमात हजेरी लावली. यावेळी त्यांनी विविध विषयांवर चर्चा देखील केली. गुणरत्न सदावर्ते यांनी माझा कट्टा या कार्यक्रमात त्यांच्या कुटुंबाबाबत सांगितलं. तसेच हिंदी बिग बॉसच्या ऑफरबाबत देखील त्यांनी या कार्यक्रमात सांगितलं.

Shreyas Talpade: श्रेयस तळपदेला कधी मिळणार डिस्चार्ज? जवळचा मित्र म्हणाला...

Shreyas Talpade: अभिनेता  श्रेयस तळपदेला (Shreyas Talpade) 14 डिसेंबर रोजी हृदयविकाराचा झटका आला. त्यानंतर त्याला तात्काळ  रुग्णालयात दाखल करण्यात आले. डॉक्टरांनी श्रेयसवर अँजिओप्लास्टी केली. आता श्रेयस तळपदेची प्रकृती पूर्वीपेक्षा चांगली असून त्याला लवकरच रुग्णालयातून डिस्चार्ज मिळणार आहे, असं म्हटलं जात आहे. श्रेयसचा जळचा मित्र आणि फिल्ममेकर सोहम शाहनं नुकतीच श्रेयसच्या हेल्थबाबत अपडेट दिली आहे.

Aishwarya Narkar And Avinash Narkar: ‘अ‍ॅनिमल’मधील गाण्यावर ऐश्वर्या आणि अविनाश नारकर यांचा जबरदस्त डान्स; नेटकरी म्हणाले, "नारकर साहेब..."

Aishwarya Narkar And Avinash Narkar: अभिनेत्री  ऐश्वर्या नारकर (Aishwarya Narkar)  आणि अभिनेता अविनाश नारकर (Avinash Narkar) हे सोशल मीडियावर वेगवेगळ्या गाण्यावरील रिल्स शेअर करतात. त्यांच्या या रिल्सचं काही जण कौतुक करतात तर काही नेटकरी त्यांना ट्रोल करतात. नुकतेच अविनाश नारकर आणि ऐश्वर्या नारकर यांनी एक रिल सोशल मीडियावर शेअर केलं आहे. त्यांच्या या रिलनं अनेकांचे लक्ष वेधले आहेत.

Ekda Yeun Tar Bagha: एकदा येऊन तर बघा चित्रपटाचं अशोक सराफ यांनी केलं कौतुक; म्हणाले...

'एकदा येऊन तर बघा' ( Ekda Yeun Tar Bagha) हा चित्रपट 8 डिसेंबरला रिलीज झाला. या चित्रपटामधील कलाकारांच्या विनोदी शैलीला प्रेक्षकांची पसंती मिळाली.प्रसाद खांडेकरनं 'एकदा येऊन तर बघा' या चित्रपटाचं दिग्दर्शन केलं आहे. तसेच या चित्रपटात त्यानं काम देखील केलं आहे.अभिनेते अशोक सराफ यांनी 'एकदा येऊन तर बघा' या चित्रपटाचं कौतुक केलं आहे.