Bigg Boss 17 : सुशांत सिंह राजपूतसोबत ब्रेकअप झाल्यानंतर अंकिता लोखंडे शांत का होती? 'बिग बॉस'च्या घरात अभिनेत्रीचा खुलासा

Ankita Lokhande on Sushant Singh Rajput : 'बिग बॉस 17' (Bigg Boss 17) या कार्यक्रमात अंकिता लोखंडेने सुशांत सिंह राजपूतसोबत ब्रेकअप केल्यानंतर शांत का राहिली याबद्दल भाष्य केलं आहे.

Bigg boss 17

Ankita Lokhande On Breakup With Sushant Singh Rajput : 'बिग बॉस 17' (Bigg Boss 17) हा छोट्या पडद्यावरील लोकप्रिय कार्यक्रम आहे. गेल्या काही दिवसांपासून हा कार्यक्रम प्रेक्षकांचं चांगलच मनोरंजन करत आहे. आता 'बिग बॉस 17' या कार्यक्रमात अंकिता लोखंडेने (Ankita Lokhande) सुशांत सिंह राजपूतसोबत (Sushant Singh Rajput) ब्रेकअप केल्यानंतर शांत का राहिली याबद्दल भाष्य केलं आहे.

'बिग बॉस 17' या कार्यक्रमात अंकिता लोखंडे पती विकी जैनसोबत (Vicky Jain) सहभागी झाली आहे. या कार्यक्रमात त्यांचं प्रेम आणि भांडणं पाहायला मिळाली आहेत. सुशांत सिंह राजपूतसोबत ब्रेकअप झाल्यानंतर विकी जैननेच तिला त्या दु:खातून बाहेर काढलं असं तिने अनेकदा सांगितलं आहे. दरम्यान या कार्यक्रमात तिने सुशांतसोबतच्या ब्रेकअपबद्दल भाष्य केलं आहे. 

सुशांत सिंह राजपूतसोबत ब्रेकअप झाल्यानंतर अंकिता लोखंडे शांत का होती? 

'बिग बॉस 17' या कार्यक्रमाचा विजेता मुनव्वर फारूकी किंवा आयशा सिंह होऊ शकते, असे म्हटले जात आहे. नुकत्याच पार पडलेल्या भागात अंकिता लोखंडे (Ankita Lokhande) आणि ईशा मालवीय (Isha Malviya) यांच्यात मुनव्वर, आयशा आणि नाजिला यांची चर्चा रंगली.

ईशा मालवीय म्हणाली,"मुनव्वरला 'बिग बॉस 17' या कार्यक्रमात येऊन कळलं की त्याचं आयशावर नव्हे तर नाजिलावर प्रेम आहे. त्यानंतर अंकिता म्हणते,"मुनव्वरने घाबरुन नाजिलासोबतच्या ब्रेकअपची घोषणा केली नाही. माझा आणि सुशांतचा ज्यावेळी ब्रेकअप झाला तेव्हा ते स्विकारयला मी तयार नव्हते. मी आणि सुशांत सात वर्षे रिलेशनमध्ये होतो. पण जेव्हा कोणी आम्हाला विचारायचं तेव्हा आम्ही एकत्रच आहोत असं मी त्यांना सांगायचे. आमचा ब्रेकअप झालाय हे मी कोणाला सांगू शकत नव्हते. ब्रेकअपनंतर दीड वर्ष मी सुशांतची वाट पाहिली आहे". 

ट्रोलिंगबद्दल ईशा-अंकिता म्हणाल्या...

अंकिता लोखंडे आणि ईशा मालवीय यांनी ट्रोलिंगवर भाष्य केलं आहे. अंकिता म्हणते,"विकी जैनने मला ब्रेकमधून बाहेर काढलं आहे. मला ज्या गोष्टींची गरज आहे त्या सर्व गोष्टी विकीने केल्या आहेत. त्यामुळेच मी त्याच्यावर प्रेम करते". विकीचं कौतुक करत ईशा मालवीय म्हणाली,"विकी जैनला ट्रोलिंगचा सामना करावा लागला आहे. विकी हा एक व्यक्ती आहे. या गोष्टीचा लोकांनी कधी विचारच केला नाही. ब्रेकअप झाला म्हणजे आयुष्य संपलं असं होत नाही". 

संबंधित बातम्या