मराठमोळ्या अभिनेत्रीकडून सँटो डोम्निगो फिल्म फेस्टीवलमध्ये भारताचं प्रतिनिधित्व, 'करेज' चित्रपटासाठी सर्वत्र कौतुक
USA Film Festival 2025 : संस्कृती बालगुडेच्या 'करेज' या इंग्रजी चित्रपटाच सँटो डोम्निगो यूएसए फिल्म फेस्टीवल मध्ये विशेष कौतुक!
USA Film Festival 2025 : सँटो डोम्निगो यूएसए फिल्म फेस्टीवलमध्ये भारताचं प्रतिनिधित्व करणारी संस्कृती बालगुडे ठरली पहिली मराठी अभिनेत्री ठरली आहे. संस्कृती बालगुडेच्या 'करेज' या इंग्रजी चित्रपटाच सँटो डोम्निगो यूएसए फिल्म फेस्टीवलमध्ये विशेष कौतुक करण्यात आलं. काही दिवसांपूर्वी संस्कृतीच्या पहिल्या वहिल्या इंग्रजी चित्रपट "करेजच" सँटो डोम्निगो यूएसएला फिल्म फेस्टीवलमध्ये स्क्रिनिंग पार पडलं आणि या चित्रपटाने प्रेक्षकांना मोहित केलं.
मराठी अभिनेत्रीकडून यूएसए फिल्म फेस्टीवलमध्ये भारताचं प्रतिनिधित्व
अभिनेत्री संस्कृती बालगुडे ही उत्तम कलाकार असल्याचं तिने पुन्हा एकदा सिद्ध करून दाखवलं आहे. तिने दमदार अभिनयाने आंतरराष्ट्रीय पातळीवर प्रेक्षकांना भुरळ घातली. अगदी साता समुद्रापार पार प्रेक्षकांना तिने तिच्या अदा आणि अभिनयाने मोहित केलं आहे आणि तिच्या कामाचं कौतुक देखील झालं. विशेष म्हणजे संस्कृती ही पहिली मराठी अभिनेत्री आहे जिने सँटो डोम्निगो यूएसए फिल्म फेस्टीवलमध्ये भारताच प्रतिनिधित्व केलं आहे म्हणून हा फिल्म फेस्टीवल संस्कृती साठी अगदीच खास आहे.
View this post on Instagram
संस्कृतीने प्रेक्षकांचे मानले आभार
अभिनेत्री संस्कृती बालगुडेचा या फिल्म फेस्टीवलबद्दलचा अनुभव सोशल मीडियावर शेयर करताना संस्कृती म्हणाली "करेजला तुम्ही खूप प्रेम दिलं आणि हसऱ्या चेहऱ्याने आणि डोळ्यात आनंदाचे अश्रू आणून हा चित्रपट तुम्ही खास केलात आणि यासाठी मी कायम ऋणी राहणार आहे. हे जे काही घडलं ते खूप सुंदर आणि अनपेक्षित आहे म्हणून याचा आनंद आहे तुम्हाला आमची कलाकृती आवडली आणि तुम्ही ती आपलीशी केली. आभार मानावे तितके कमीच आहेत पण हा समृद्ध संपन्न करणारा अनुभव खूप कमालीचा होता"
संस्कृती तिच्या अभिनयाची जादू आजवर सगळ्यांनी अनुभवली आहे पण तिच्या या इंग्रजी चित्रपटाने पू हा एकदा प्रेक्षकांना आपलंसं केलं. जगभरात संस्कृतीच्या "करेज" या इंग्रजी चित्रपटाची चर्चा तर आहे पण येणाऱ्या काळात संस्कृती अनेक नवनवीन प्रोजेक्ट्समध्ये दिसणार आहे, हे बघणं देखील तितकच उत्कंठावर्धक ठरणार आहे.
View this post on Instagram
महत्त्वाच्या इतर बातम्या :
"मी 23 वर्षे अडल्ड फिल्म...", 'या' बॉलिवूड अभिनेत्रीने सत्य केलं कबूल; वक्तव्याने एकच खळबळ
महत्त्वाच्या बातम्या
ट्रेंडिंग न्यूज
