Jhimma 2 : 'झिम्मा 2'ची टूर सुसाट सुटली; बॉलिवूडपटांना टक्कर देणारा मराठी चित्रपट

Jhimma 2 : 'झिम्मा 2' हा मराठी सिनेमा सध्या बॉक्स ऑफिस गाजवत आहे.

Jhimma 2 Box Office Collection

Jhimma 2 Box Office Collection : 'झिम्मा 2' (Jhimma 2) हा मराठी सिनेमा अखेर प्रेक्षकांच्या भेटीला आला आहे. प्रेक्षक गेल्या अनेक दिवसांपासून या सिनेमाची प्रतीक्षा करत होते. अखेर आता हा बहुचर्चित सिनेमा प्रेक्षकांच्या भेटीला आला असून बॉक्स ऑफिस गाजवत आहे. या मराठी सिनेमाने अनेक बॉलिवूडपटांना टक्कर दिली आहे.

'झिम्मा 2'ची टूर सुसाट सुटली 

बॉलिवूडचे दोन मोठे सिनेमे प्रदर्शित झाले असतानाही हेमंत ढोमे (Hemant Dhome) दिग्दर्शित 'झिम्मा 2' (Jhimma 2) या चित्रपटांना टक्कर देताना दिसत आहे. तिसऱ्या यशस्वी आठवड्यातही ही 'झिम्मा 2'ची टूर सुसाट सुटली आहे. इतकेच नाही तर आता याचे शोजही वाढवण्यात आले आहेत. 

कोटींची कमाई करणाऱ्या 'झिम्मा 2' या चित्रपटावर प्रेक्षक भरभरून प्रेम करत आहेत. चित्रपटाची टीम थिएटर्सना भेटी देऊन प्रेक्षकांच्या थेट प्रतिक्रिया घेत आहेत. एकदंरच हसताहसता डोळ्यांत चटकन पाणी आणणारा आणि रडतारडता मनमुराद हसवणारा 'झिम्मा 2' प्रेक्षकांच्या पसंतीस उतरला आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Hemant Dhome | हेमंत ढोमे (@hemantdhome21)

'झिम्मा 2' चित्रपटाला प्रेक्षकांकडून मिळणाऱ्या भरभरून प्रेमाबद्दल दिग्दर्शक हेमंत ढोमे म्हणाला,"खूप छान वाटतेय. एवढा उदंड, भरभरून प्रतिसाद मिळेल, असे खरोखर वाटले नाही. प्रेक्षक आपले खास दिवस 'झिम्मा 2'बघून साजरे करत आहेत. 2-3 वेळा चित्रपट पाहायला आलेले प्रेक्षकही अनेक आहेत. खूप छान वाटतेय. खरंतर 'झिम्मा 2'ला प्रेक्षक कसे स्वीकारतील, याबद्दल मनात जरा भीतीच होती".

'झिम्मा 2'चे यश माझे एकट्याचे नाही : हेमंत ढोमे

हेमंत ढोमे पुढे म्हणाला,"कारण 'झिम्मा'ला प्रेक्षकांनी खूप मोठे केले होते. त्यामुळे हा चित्रपटाला प्रेक्षक कसा प्रतिसाद देतील, प्रेक्षकांना हा आवडेल का, असे अनेक प्रश्न मनात होते. शिवाय 'झिम्मा 2' सोबत बॉलिवूडचे काही मोठे सिनेमेही प्रदर्शित झाले आहेत. त्यामुळे जरा दडपण होते. परंतु आता दोन आठवडे झाले आहेत. प्रेक्षक आजही 'झिम्मा 2'ला पसंती देत आहेत. या चित्रपटांसोबत 'झिम्मा 2' स्पर्धा करतोय आणि हे भारी फीलिंग आहे. आपला चित्रपट यशस्वी दुसरा आठवड्यानंतर आता तिसऱ्या आठवड्यात पदार्पण करत आहोत. शोजही वाढले  आहेत. त्यामुळे आशा आहे, हा आठवडाही असाच हाऊसफुल्ल जाईल. अर्थात हे सगळे यश माझ्या एकट्याचे नसून संपूर्ण टीमचे आहे". 

संबंधित बातम्या