'लावणी क्वीन' गौतमी पाटील रुपेरी पडद्यावर झळकणार; परदेशात झालय सिनेमाचं शूटिंग

Gautami Patil : सोशल मीडियावर लोकप्रिय असलेल्या गौतमी पाटीलचा आगामी सिनेमा लवकरच प्रेक्षकांच्या भेटीला येणार आहे.

Gautami Patil

Gautami Patil : गौतमी पाटील (Gautami Patil) हे नाव गेल्या काही दिवसांपासून चर्चेत आहे. अश्लील नृत्यामुळे चर्चेत असलेली गौतमी आता सिनेमात झळकणार आहे. 'घुंगरु' असे तिच्या आगामी सिनेमाचे नाव आहे. या सिनेमाची घोषणा झाल्यापासून चाहत्यांना या सिनेमाची उत्सुकता लागली आहे. 

गौतमीच्या 'घुंगरु' या सिनेमाचं शूटिंग सोलापूर (Solapur), माढा (Madha), हंपीसह (Hampi) परदेशात झालं आहे. या सिनेमात गौतमी पाटील (Gautami Patil Movie) नक्की कोणती भूमिका साकारणार हे अद्याप समोर आलेलं नाही. सूत्रांनी दिलेल्या माहितीनुसार, 'घुंगरु' या सिनेमात गौतमी बाबा गायकवाडसोबत स्क्रीन शेअर करताना दिसणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Gautami Patil (@official_gautami941__)

गौतमी आणि बाबा गायकवाड यांच्यासह 'घुंगरु' या सिनेमात सुदाम केंद्रे, उषा चव्हाण, वैभव गोरे, शीतल गीते हे कलाकारदेखील झळकणार असल्याची शक्यता वर्तवली जात आहे. हा सिनेमाचं कथानक कलावंत आणि लोककलावंतांच्या आयुष्यावर भाष्य करणारं असू शकतं. 'घुंगरु' या सिनेमाच्या लेखन-दिग्दर्शनाची धुरा बाबा गायकवाड यांनी सांभाळली आहे. 

एका व्हायरल व्हिडीओमुळे गौतमी पाटील रातोरात प्रसिद्धीझोतात आली होती. पण गेल्या काही दिवसांपासून ती वादाच्या भोवऱ्यात अडकली आहे. सोशल मीडियावर तिला प्रचंड ट्रोलिंगचा सामना करावा लागत असला तरी तिचा मोठा चाहतावर्ग आहे. 

गौतमी पाटील कोण आहे?

गौतमी पाटील ही सोशल मीडियावर ओळखीचा आणि प्रसिद्ध चेहरा आहे. आपला डान्स आणि एक्स्प्रेशन्सने गौतमीने तरुणाईला वेड लावलं आहे. 26 वर्षीय गौतमी ही डान्सर असून लावणी डान्सर म्हणून तिला ओळखलं जातं. यूट्यूब, इन्स्टाग्राम, फेसबुक यांसारख्या सोशल प्लॅटफॉर्मवरतिचे व्हिडिओ तुफान व्हायरल होत असतात. इतकंच काय तर अनेक कार्यक्रमांमध्ये गौतमीला डान्स करण्यासाठी बोलवलं जातं आणि त्यासाठी तिला मानधन दिलं जातं. दरम्यान काही दिवसांपूर्वी व्हिडीओमधील डान्स स्टेप्समुळे गौतमी वादाच्या भोवऱ्यात अडकली. सार्वजनिक कार्यक्रमात डान्स करताना गौतमीने आक्षेपार्ह डान्स स्टेप्स केल्या, ज्यामुळे गौतमीला माफी मागावी लागली होती.

संबंधित बातम्या