वेदा, स्त्री-2 की खेल खेल में, बॉक्स ऑफिसवर कोण ठरलं सरस? जाणून घ्या कोणी किती कमवले?
अक्षय कुमारचा 'खेल खेल में' तसेच जॉन अब्राहमचा 'वेदा' या चित्रपटांनी 'स्त्री 2' ला टक्कर देण्याचा प्रयत्न केला. परंतु 'वेदा' तसेच 'खेल खेल में' हे चित्रपट बॉक्स ऑफिसवर मागे पडलेले दिसून येत आहेत.
मुंबई: बॉलिवूडचा प्रसिद्ध अभिनेता अक्षय कुमारचा 'खेल खेल में' हा चित्रपट चांगली कमाई करताना दिसत आहे. मात्र दुसरीकडे 'वेदा' हा चित्रपट बॉक्स ऑफिसवर फारशी चांगली कामगिरी करताना दिसत नाहीये. गेल्या काही दिवसांत सिनेमागृहात मोठे बजेट असणारे चित्रपट प्रदर्शित झाले आहेत. त्या चित्रटांपैकी काही चित्रपट बॉक्स ऑफिसवर भरपूर कमाई करताना दिसत आहेत. मात्र काही चित्रपट चांगली कमाई करु शकले नाहीत.
हिंदी सिनेसृष्टीची प्रसिद्ध अभिनेत्री श्रद्धा कपूरचा 'स्त्री 2' हा चित्रपट तगडी कमाई करतोय. बॉलिवूडचा दिग्गज अभिनेता अक्षय कुमारचा 'खेल खेल में' तसेच जॉन अब्राहमचा 'वेदा' या चित्रपटांनी 'स्त्री 2' ला टक्कर देण्याचा प्रयत्न केला. परंतु 'वेदा' तसेच 'खेल खेल में' हे चित्रपट बॉक्स ऑफिसवर मागे पडलेले दिसून येत आहेत.
मिडिया रिपोर्टच्या आकड्यांनुसार 15 ऑगस्टला प्रदर्शित झालेल्या 'वेदा' चित्रपटाची कमाई पहिल्या दिवशी अक्षय कुमारच्या 'खेल खेल में' या चित्रपटापेक्षा जास्त होती. 'वेदा' या चित्रपटाने प्रदर्शनाच्या पहिल्या दिवशी 6.3 कोटींचा गल्ला जमवला. त्यानंतर मात्र या चित्रपटाच्या कमाईचा आलेख घसरला. या चित्रपटाने नंतर प्रत्येक दिवशी साधारण 1-2 कोटी रुपये कमाई केली. चित्रपट प्रदर्शनाच्या दहाव्या दिवशी'वेदा' चित्रपटाने अवघी 60 लाख रुपयांची कमाई केली.
'खेल खेल में' चित्रपटाची कमाई वाढली
प्रसिद्ध अभिनेता अक्षय कुमारचा 'खेल खेल में' हा चित्रपट बॉक्स ऑफिसवर चांगली कमाई करत आहे. या चित्रपटाने पहिल्याच दिवशी 5.05 कोटी रुपये कमवत बॉक्स ऑफिवर मानाचं स्थान निर्माण केलं. त्यानंतर जॉन अब्राहमच्या 'वेदा' या चित्रपटामुळे अक्षयच्या 'खेल खेल में' या चित्रपटाचा आलेख खाली आला. नंतर मात्र 'खेल खेल में' या चित्रपटाने 'वेदा' ला मागे टाकत चांगली कमाई केली. नवव्या दिवशी 'वेदा' चित्रपटाने 60 लाख रुपये कमाई केली, तेव्हा 'खेल खेल में' या चित्रपटाने 70 लाख रुपयांची कमाई केली.
दोन्ही चित्रपट ठरले फ्लॉप..
अभिनेता जॉन अब्राहम तसेच अभिनेत्री शर्वरी वाघ यांची प्रमुख भूमिका असलेल्या 'वेदा' या चित्रपटाने भारतात दहा दिवसांत 18.50 कोटी रुपयांची कमाई केली. तर अक्षय कुमारच्या 'खेल खेल में' या चित्रपटाने 21.30 कोटींचा गल्ला जमवला आहे. 'खेल खेल में' या चित्रपटाने 'वेदा' या चित्रपटापेक्षा 2.8 कोटींची जास्त कमाई केली.
मिडिया रिपोर्टनुसार निखील अडवाणी दिग्दर्शित 'वेदा' चित्रपटाने आतापर्यंत 60 कोटी रुपयांची कमाई केली. तसेच मुदस्सर अजिज दिग्दर्शित 'खेल खेल में' या चित्रपटाने 100 कोटी रुपयांची कमाई केली आहे.
हेही वाचा :
बॉलिवूडचा जलवा, साऊथचा तडका, बॉक्स ऑफिसवर धुमाकूळ घालणारे 'हे' भन्नाट चित्रपट माहिती आहेत का?
महत्त्वाच्या बातम्या
