IPL 2022 : यंदाच्या आयपीएलचं देशातच आयोजन, बीसीसीआयकडून शिक्कामोर्तब ABP Majha

IPL 2022 यंदाच्या मोसमाचे आयोजन भारता मध्येच होणार यावर आता शिक्कमोर्तब झाले आहे. मार्च महिन्याच्या अखेरच्या आठवड्यात किंवा एप्रिल महिन्याच्या पहिल्या आठवड्यात आयपीएलच्या 15 व्या मोसमाची सुरुवात होईल आणि मे महिन्याच्या शेवटपर्यंत ही स्पर्धा चालेल, अशी माहिती बीसीसीआयचे सचिव जय शहा यांनी दिलीय. कोरोनामुळे मुंबई आणि पुण्यातल्या मैदानांवर आयपीएलचे सर्व सामने खेळवले जाणार असल्याची माहिती सूत्रांकडून मिळतेय. मात्र कोरोनामुळे प्रेक्षकांना मैदानात प्रवेश दिला जाणार नाही. यंदाच्या मोसमासाठी 12 आणि 13 फेब्रुवारीला मेगालिलाव होणार आहे. आयपीएलचा हा मोसम खास असणार आहे. कारण यंदा 10 टीम आयपीएलच्या चषकासाठी एकमेकांशी झुंजणार आहेत. लखनौ आणि अहमदाबाद या दोन नव्या टीम यंदा आयपीएल खेळणार आहे. हार्दिक पांड्या अहमदाबाद तर केएल राहुल लखनौ टीमचा कॅप्टन असणार आहे.