मुंबई: भाजप खासदार गोपाळ शेट्टी ख्रिश्चनांबाबत नेमकं काय म्हणाले?

उत्तर मुंबईचे भाजप खासदार गोपाळ शेट्टी आपल्या पदाचा राजीनामा देण्याच्या तयारीत असल्याचं वृत्त आहे.
थोड्याच वेळात ते आपला निर्णय जाहीर करतील.
वाणीस्वातंत्र्यावर गदा आणणारं कुठलंही पद आपल्याला नको असल्याचं शेट्टींनी म्हटलंय.
काल मुंबईतील एका जाहीर कार्यक्रमात गोपाळ शेट्टी यांनी ख्रिश्चनांचा स्वातंत्र्य लढ्यात कुठलाच सहभाग नसल्याचं म्हटलं होतं.
त्यामुळे देशपातळीवर गोपाळ शेट्टी यांच्यावर टीका होऊ लागली. त्यानंतर दिल्ली आणि महाराष्ट्रातील भाजप नेत्यांनी गोपाळ शेट्टींना झापल्याचं वृत्त आहे.
त्यानंतर शेट्टींनी पक्षानं आपल्यावर कारवाई कऱण्याऐवजी आपणच आपल्यावर कारवाई करु असं म्हटलंय.
दरम्यान शेट्टींनी टोकाची भूमिका घेतल्यानंतर भाजपच्या नेत्यांनी या प्रकरणावर बोलण्यास नकार दिलाय.