लातूर : अविनाश चव्हाण हत्या प्रकरणातील आरोपी माझा सुरक्षारक्षक नाही, निलंगेकरांचा दावा

अविनाश चव्हाण हत्या प्रकरणातील आरोपी करण सिंह धैरवाल आपला सुरक्षारक्षक नव्हता, असा दावा मंत्री संभाजी पाटील निलंगेकरांनी केला आहे. तो आपल्या विधानसभा मतदारसंघातला कार्यकर्ता होता. करणला तुमच्यासोबत कामाला ठेवा, अशी विनवणी त्याच्या कुटुंबीयांनी केल्यानंतर तो आपल्यासोबत होत. करण कधी शिवसेनेचा कार्यकर्ता होता, तर कधी मनसेचा. दोन महिन्यापासून तो राजकीय ग्रुपचाही सभासद होता, असंही निलंगेकर म्हणाले.