ब्रेकफास्ट न्यूज : पालघर पोटनिवडणूक : पालघरचे गोरखपूर होईल, 'सामना'तून टीका

संपूर्ण राज्याचं लक्ष लागलेल्या पालघर लोकसभा पोटनिवडणुकीसाठी आज मतदान होत आहे. सकाळी 7 वा मतदान सुरु झालं असून, संध्याकाळी 6 वाजेपर्यंत मतदान करता येणार आहे. तर 31 मे रोजी या निवडणुकीचा निकाल जाहीर होईल.

इथे सत्ताधारी भाजप विरुद्ध शिवसेना विरुद्ध काँग्रेस विरुद्ध बहुजन विकास आघाडी अशी लढत होत आहे. मात्र भाजप आणि शिवसेनेने ही निवडणूक अत्यंत प्रतिष्ठेची केली आहे.

भाजपचे खासदार चिंतामण वनगा यांच्या निधनाने पालघरमध्ये पोटनिवडणूक होत आहे.

दरम्यान पालघर पोटनिवडणुकीवरुन शिवसेनेचं मुखपत्र 'सामना'तून मुख्यमंत्र्यांवर काय टीका करण्यात आलीय पाहूया...