712 : पुणे : बारामतीच्या कृषिक प्रदर्शनाला उत्स्फूर्त प्रतिसाद

बारामतीमध्ये गेल्या तीन वर्षांपासून कृषिक या राज्यस्तरीय प्रदर्शनाचं आयोजन केलं जातं. यंदाही हे प्रदर्शन भरवण्यात आलं. कृषी विज्ञान केंद्र बारामतीकडून या प्रदर्शनाचं आयोजन करण्यात येतं. या प्रदर्शनात 110 एकर क्षेत्रावर प्रात्यक्षिकयुक्त शेती शेतकऱ्यांना पाहायला मिळाली. त्यामुळे राज्यासह परराज्यातील शेतकऱ्यांनी मोठ्या प्रमाणात या प्रदर्शनाला हजेरी लावली. अत्याधुनिक तंत्रज्ञान आणि परदेशी तंत्राचा वापर पीक कशी घ्यायची याचे प्रात्यक्षित इथे ठेवण्यात आले होते. यासाठी गेल्या सहा महिन्यांपासून संस्थेनं वेगवेगळ्या तंत्रज्ञानाचा वापर करत ही पिकं वाढवली. तब्बल 112 प्रकारचे पीक प्रात्यक्षिक इथे शेतकऱ्यांना बघायला मिळाले.