हर्षल पटेलवर पैशांचा पाऊस, पंजाब किंग्सने कोट्यवधीमध्ये केलं खरेदी
Harshal Patel : आयपीएल 2024 साठी दुबईमध्ये लिलाव सुरु आहे. ऑस्ट्रेलियाचा पॅट कमिन्स आयपीएलच्या इतिहासातील सर्वात महागडा खेळाडू ठरला.
Harshal Patel : आयपीएल 2024 साठी दुबईमध्ये लिलाव सुरु आहे. ऑस्ट्रेलियाचा पॅट कमिन्स आयपीएलच्या इतिहासातील सर्वात महागडा खेळाडू ठरला. तर डॅरेल मिचेल याच्यावरही 14 कोटींचा पाऊस पडला आहे. भारताचा अष्टपैलू खेळाडू हर्षल पटेल याच्यासाठी पंजाब किंग्सने मोठी बोली लावली. पंजाब किंग्सने हर्षल पटेल याला 11.75 कोटी रुपये खर्च करत आपल्या ताफ्यात घेतले. हर्षल पटेल याला बेस प्राईजपेक्षा जवळपास सहा पट अधिक रक्कम मिळाली आहे. हर्षल पटेल याची मूळ किंमत दोन कोटी रुपये इतकी होती. त्याच्यासाठी प्रिती झिंटाच्या पंजाबने 11.75 कोटी रुपये खर्च केले. हर्षल पटेलसाठी गुजरात टायटन्स आणि लखनौ सुपर जायंट्स यांनी बिडिंग केली, पण अखेर पंजाब किंग्सने बाजी मारली.
याआधी हर्षल पटेल आरसीबी संघाचा सदस्य होता. पण आरसीबीने त्याला रिलिज केले. त्याला 2023 मध्ये लौकिकास साजेशी कामगिरी करता आली नव्हती. आयपीएल 2023 लिलिवात आरसीबीने त्याला 10.75 कोटी रुपयांत खरेदी केले होते. आयपीएलमध्ये हर्षल पटेल याने आरसीबीशिवाय दिल्ली आणि मुंबई संघामध्ये खेळला आहे. यंदा हर्षल पटेल पंजाबच्या जर्सीमध्ये दिसणार आहे.
अष्टपैलू हर्षल पटेलसाठी गुजरात आणि पंजाब संघामध्ये लढत झाली. प्रिती झिंटाच्या पंजाब संघाने हर्षल पटेल याला 11 कोटी 75 लाख रुपयांत खरेदी केले. हर्षल पटेल याने 89 आयपीएल सामन्यात 111 विकेट घेतल्या आहेत. त्याशिवाय तो तळाला फलंदाजी करण्यातही तरबेज आहे.
Harshal Patel is a 𝐊𝐈𝐍𝐆 now 👑🦁#IPL2024Auction #SaddaPunjab #PunjabKings #JazbaHaiPunjabi
— Punjab Kings (@PunjabKingsIPL) December 19, 2023
क्रिस वॉक्स याच्यावर पंजाबचा डाव
इंग्लंडचा अष्टपैलू क्रिस वोक्स याच्यावर पंजाबने डाव खेललाय. वोक्स याला पंजाबने 4.2 कोटी रुपयात खरेदी केले. वोक्ससाठी कोलकात्याने पहिल्यांदा बोली लावली होती, ण अखेर पंजाबने यामध्ये विजय मिळवला. वोक्स याची मूळ किंमत दोन कोटी रुपये इतकी होती. त्याला पंजाबने 4.20 कोटी रुपयात खरेदी केले.
Folks, be ready for Woakes 😉#IPL2024Auctionpic.twitter.com/H5j2CY0G0w
— Punjab Kings (@PunjabKingsIPL) December 19, 2023
Punjab Kings Retained Players: पंजाबमध्ये कोणते किंग्स?
अर्शदीप सिंग, अथर्व तायडे, हरप्रीत ब्रार, हरप्रीत भाटिया, जितेश शर्मा, जॉनी बेअरस्टो, कागिसो रबाडा, लियाम लिव्हिंगस्टोन, नॅथन एलिस, प्रभसिमरन सिंग, राहुल चहर, ऋषी धवन, सॅम कुरन, शिखर धवन, शिवम सिंग, सिकंदर रझा, विद्वा कावेर. हर्षल पटेल, क्रिस वोक्स
Punjab Kings Retained Players: Arshdeep Singh, Atharva Taide, Harpreet Brar, Harpreet Bhatia, Jitesh Sharma, Jonny Bairstow, Kagiso Rabada, Liam Livingstone, Nathan Ellis, Prabhsimran Singh, Rahul Chahar, Rishi Dhawan, Sam Curran, Shikhar Dhawan, Shivam Singh, Sikandar Raza, Vidwath Kaverappa
महत्त्वाच्या बातम्या
ट्रेंडिंग न्यूज
